ខគម្ពីរពេញនិយមពី Filipenses 1

ចែក​រំលែក

Ha ajerovia pe tembiapo porã Tupã Ñandejára oñepyrũ va'ekue ojapo pende pype, ojapovetaha ohóvo Jesucristo ou peve.

Ha ajerure che ñembo'épe pene mborayhu rayhuve haguã ha ta pene arandu aranduve avei pehóvo, peiko haguã iporãve háicha, pende reko potĩ haguã ha oĩ'ỹ haguã mba'eve ivaíva oje'e vaerã pende rehe Cristo árape

Chéve guarã Cristo ha'e che rekove ha amano ramo katu aime porãvéta.

Che mandu'a vovénte pende rehe ame'ẽva las gracias Tupã Ñandejárape.

Peikóntekena oiko vaerã háicha umi ogueroviáva Cristo evangelio. Aha ramo guarã pohecha, terã che pore'ỹme ramo jepe, tahendu peime hatãha oñondive kuéra peteĩ py'ápe pe pene ñeha'ãme pe evangelio ñemoherakuãme.

Hi'ãite niko chéve ha aha'arõite ani chéne haguã añemotĩ ha añe'ẽne haguã katu jeroviapópe ha tapiaguáicha ko'ãga avei tojehecha che rehe pe Cristo mba'eguasuha, aikove terã amano ramo.

Peẽme niko oñeme'ẽ ndaha'éi pejerovia haguã añónte Cristo rehe, pehasa asy haguã avei katu hayhupápe.