ខគម្ពីរពេញនិយមពី San Marcos 6

ចែក​រំលែក

Ha Jesús he'i ichupe kuéra: --Peju, jaha japytu'umi amo desiertohápe. Heta etereígui umi ou ha ohóva hendápe kuéra, nda ijái ichupe kuéra okarumi haguãnte jepe.

Ha Jesús he'i ichupe kuéra: --Ndaipóri ñemoñe'ẽhára oñemomba'eguasu'ỹva, hetãme mante noñemomba'eguasúi, ipariente ha hogaygua kuéra apytépe.

Ha oguejývo Jesús pe mba'yrúgui, ohecha pe gente aty guasu ha oiporiahuverekoite ichupe kuéra oiko rehe ovecha herekua'ỹvaicha, ha oñepyrũ ombo'e ichupe kuéra heta mba'e.

Ha ndaikatúi ojapo upépe mba'eve techapyrã, mbovymi hasýva mante omonguera omoĩvo hi'ári kuéra ipo. Ha ipy'andýi ndogueroviaiha rehe ha'e kuéra. Ha oporombo'e ohóvo umi pueblo jerekuévo rupi.

Ha ojapyhy ipópe umi cinco pan ha mokõi pira ha oma'ẽ yvága rehe ha ohovasa, ha oipese'ã umi pan ha ome'ẽ hemimbo'e kuérape ombohasa haguã ichupe kuéra; ha omboja'o avei umi mokõi pira opavave peguarã. Ha okarupa hikuái ha hyvatãmba. Ha uperire hemby ha oñongatuka doce ajaka renyhẽ pan ha pira pesenguégui.