ខគម្ពីរពេញនិយមពី San Lucas 6

ចែក​រំលែក

Peme'ẽ, ha oñeme'ẽne peẽme, medida porã, ojejopypa porãva, oñembokachapa porãpyre, ha tenyhẽte chovi pende vosápe. Pe medida peẽ peiporúva pende rapicha rehe ojeporu jevy vaerã pende rehe.

Pe kuimba'e imba'e porãva, umi mba'e porã ipy'a peguágui oguenohẽ iporãva; pe tekove vai katu umi mba'e vai ipy'a peguágui oguenohẽ ivaíva. Pe ñande py'a omohenyhẽvagui oñe'ẽ ñande juru.

Peẽ katu pehayhu vaerã umi pende rehe ija'e'ỹvape, ha pejapo vaerã iporãva, ha peiporuka peha'arõ'ỹ rehe ichugui kuéra mba'eve. Ha hetavépe hekovia vaerã peẽme, ha pejerereko vaerã Tupã Yvatetegua ra'y ramo; ha'e niko ipy'aporã umi ohechakuaa'ỹva ha iñañáva ndive.

Pende py'aporiahuverekókena peẽ, pe pende Ru yvága pegua ipy'aporiahuvereko háicha avei.

‘Ani peporojuzga, ani haguã pejejuzga. Ani peporocondena, ani haguã peñecondena. Peporoperdona, peñeperdona haguã avei peẽ.

‘Peẽ che rendúvape katu ha'e: Pehayhúke umi ija'e'ỹvape pende rehe, pejapo porã umi pende rayhu'ỹva rehe, pehovasa umi pende rehe oñe'ẽ vaívape, peñembo'e umi pende ja'óva rehe.

Peipota háicha opavave ojapo pende rehe, upéicha avei pejapo peẽ opavave rehe.

Ha oime ramo ne nupãva nde rova yke peteĩme, eme'ẽ avei ichupe pe nde rova yke ambue; ha oime ramo pe nde ao arigua oipe'áva nde hegui, eheja togueraha avei ne camisa. Oimeraẽva ojerurévape ndéve eme'ẽ; ha pe ne mba'éva oipe'a reívape nde hegui ani rejerureve ome'ẽ jevy haguã ndéve.

‘Ndaipóri yvyra porã hi'a vaíva, terã yvyra vai hi'a porãva.

Pe yvyra hi'a rehe ojekuaa mba'eichaguápa: ñuatĩ mátagui niko nañamono'õi higo, terã jukeri mátagui ndajaipo'ói parral.