ខគម្ពីរពេញនិយមពី Gálatas 3

ចែក​រំលែក

Cristo ñande salva va'ekue pe ley maldicióngui, ha'e oñemoĩ pype maldición guýpe ñande rehehápe, he'i háicha Tupã Ñandejára Kuatiañe'ẽme: “Oñemaldecipyre opa oñemosaingóva yvyra máta rehe.”

Ndaiporivéima Israelita terã griégova, tembiguái terã tembiguai'ỹva, kuimba'e terã kuña, opavave peẽ peteĩ añóguima peñemopeteĩ rupi Cristo Jesús ndive.

Ha peẽ Cristo rehegua ramo niko Abraham ñemoñare, ha pehupity vaerã pe Tupã Ñandejára oikuave'ẽ va'ekue ichupe.

Upéva ojehu va'ekue ikatu haguã pe Tupã Ñandejára rovasare, he'i haguéicha Abrahámpe, ohupity Cristo Jesús rupi umi Israelita'ỹvape avei. Opavave jahupity haguã, jajerovia rupi, pe Espíritu Tupã Ñandejára oikuave'ẽ va'ekue.

Ndaipóri iculpa'ỹva Tupã Ñandejára renondépe ojapo rupi he'i háicha Moisés ley, Tupã Ñandejára Kuatiañe'ẽ niko he'i: “Upe ojererekóva iculpa'ỹva ramo, ojerovia rupi, oikove vaerã.”