ខគម្ពីរពេញនិយមពី 1 Corintios 15

ចែក​រំលែក

Upéva rehe, che ryvy kuéra pohayhuetéva, pepyta hatãkena, pemyi'ỹ rehe, ha pemba'apo tapiaite kyre'ỹ reheveke Ñandejára rembiapópe; peikuaa pype pe pene rembiapo Ñandejára peguarã nda reiriha.

Upéicharamo jepe ñame'ẽ vaerã las gracias Tupã Ñandejárape, ñane mbopu'aka rehe pe mano rehe Ñandejára Jesucristo pu'aka rupi.

Aníke peñembotavyka: “Irũ nguéra vai jepokuaa porã mbyaiha.”

Opáichavo, pe Tupã Ñandejára gracia rupi aiko ko aiko háicha; ha pe imborayhu chendive guarã ndopyta reíri; amba'apo hetave uvei katu opavave ichugui kuéra, nda chéi jepe niko, pe Tupã Ñandejára gráciante uvei chendive oĩ va'ekue.

¡Ha! mano, ¿mamo piko oime pe nde popía? ¡Ha! mano, ¿mamo piko oime pe nde pu'akakue?” Pe pecado niko pe mano popía ha pe pecádope ombopu'akáva niko pe ley.

Aipota peikuaa ko mba'e avave oikuaa'ỹva: Nañamanomba mo'ãi, opáichavo, opavave ñañemo'ambuéta, peteĩ sapy'aitépe, peteĩ tesa pirĩme, pe trompeta ipúvo ipaharã. Ipu vaerã pe trompeta, ha umi omano va'ekue oikovepa jevy vaerã, máramo nomanovéima haguã, ha ñande kuéra katu ñañemoambue vaerã.

Peteĩ kuimba'e rupi oike haguéicha pe ñemano, upéicha avei peteĩ kuimba'e rupi oike pe omanóva jeikove jevy. Pe Adán rupi opavave omano háicha, upéicha avei Cristo rupi opavave oikove jevy vaerã.

Tekotevẽgui ko ñande rete oñembyaíva oñemonde peteĩ tete oñembyai'ỹ va'erãgui, ha ko ñande rete omanóva tekotevẽgui oñemonde peteĩ tete omanove'ỹ va'erãgui.

Ha tekotevẽ Cristo oreina Tupã Ñandejára omoĩmba peve iñenemigo kuéra ipyguýpe; ha pe enemigo paha oñehundi vaerã niko pe ñemano.