ខគម្ពីរពេញនិយមពី Rooma 4

ចែក​រំលែក

Aburaaham injire ayyinti Waakhe us rummeesti ka uurlammaal ma khabin. Iꞌdaasenyi kakhuufnaanki us Waakh kakhuufo ka a miigowe, toro la Waakh koolo ikeene. Iꞌdi tahe wihi us tissibo a mehe ya, Waakh ayyinti us enenyet igooche tuumman buuhin a yabuuꞌd.

iꞌdi liichiiruu, “An ooyohi yaafohi ittaawenye kaayeele.” Aburaaham Waakh ortiis ka a ooyoheenna. Waakkha us rummeeste a Waakkhi enenyet omoot kasookahcho toro la wihi goorat nolol ikhabin noolaacho.

Waakh Yeesso a soodiibe, jeenteti uskeeleen iyumuyye, Waakh la usu omoot kasookahche, ꞌdee Waakh ꞌdooꞌdi fiffissan inno iekkaacha.

Aburaaham chirri us khajjeel waaye laka, us Waakh on rummeeste toro khajjeel kakhabe. Waakh ꞌdeerka usu ooyohi yaafohi ittaawe kayeele iꞌdi Kamur usu iyidah u, “Nyaakhut nyaakhutaah ꞌdeerka a ittaawa.”

Maantaka ayyinti Waakh ꞌdooꞌdiis igooche, ꞌdooꞌdi usu kakhuufo on ꞌhela ꞌdee haaggi Waakhe buure ka nyaakhut nyaakhut Aburaaham tuumman iꞌdaanu rumanka lasiicha. Ayyintaas la nahi amurre Muusa raahno kalday menye, ꞌdooꞌdi tuummane saggi Aburaaham Waakh ikakhuufe Waakh ikakhuufo laka a miinsantahe. Jita ka Aburaaham a ooyohi inno tuummane

“Eti Waakh imaale a ki Waakh hugunꞌdarritiis ikakute, toro uskeeliis hiyyaaye! Eti Waakh imaale la a ki Kamur jirtuu uskeeliis iekkaan!”

Chiirnaanneti Waakh mehe kachiiran? “Aburaaham wihi Waakh yidahye rummeeste, Waakh la usu eti fissan iekkaache.”