ខគម្ពីរពេញនិយមពី Luuka 5

ចែក​រំលែក

Inkoo us yeediis massiche ka, wihi us Siimon iyidah, “Bal kooban inti bicche kahogyahiin iwoye, ꞌdee oroohtiin bicche goya iseya, bahag khabda.”

Siimon wihi us Yeesso ilaabe “Eti ween, nah ibeenki noole hol downe, bahag nah khabanne la mele. Iꞌdaasenyi jeenteti at iꞌdaas itidah u, oroohti bahag lakakhabti bey goya a kalugꞌda on gon.” Orooh bicche goya kalugꞌdeene, bahaggi weyti ittaawe khabteene ichoowka oroohe soogoote.

Iꞌdaasenyi Yeesso kolassi ittaawe intoo us keley kayahe irte Waakh wahte.

ꞌDooꞌdi an iimiyye an waho, ki ꞌdooꞌdi fiffissan isiekkaacho menye, iꞌdaasenyi a ki uskeel lehe, ꞌdee uskeelicho a kasoonokhti.”

Chirri Siimonhi Beetero layadeeh wihi yitah arge ka, inkaanyit ka Yeesso ortiis ka jilbo il kaguꞌdde wihi us iyidah, “Kamur an a eti uskeel leh, nyaam ikatab.”

Yeesso wihi us ilaabe, “ꞌDooꞌdi ilkitárri yowti ki feffeyyan menye, iꞌdaasenyi a ki khakkhannan.

ꞌDeerka koobanohicho jiiteene bey afiche geesse, walah tuumman katabte, Yeesso raahte.

Yeesso ilkerengeettoo kajiraayi, etoo buꞌdatoo uskul sar tuumman kasoofoofte yimiy. Chirri us Yeesso arge ka fool il kakhabte hawwaaste wihi us iyidah, “Kamur, chirri at ꞌdoonto at biꞌdir ibihin a tabuuꞌd.” Yeesso dahan ooge, et ꞌdaare, wihi us iyidah, “A ꞌdoona, biꞌdir bah!” Chirraas on et buꞌda kabahte.

Iꞌdaasenyi wori Yeesso miinsan weyti ilaas tuumman kataaꞌhe, ꞌdeerka ꞌdooꞌdi buure yimiyye wihi us ꞌdooꞌd abcho dagansate, ꞌdooꞌdi khakkhannan laka yimiyye lasamaache.