ខគម្ពីរពេញនិយមពី MARCOS 9

ចែក​រំលែក

Jesusasti sänwa: —Jumatix iyawsasmaxa, lurasispawa. Iyawsir jaqitakix taqi kunas wakisikiwa —sasa.

Uka waynan awkipasti ukspachaw jach'at arsüna: —Iyawstwa. ¡Juk'amp iyawsañaxatak yanapt'itaya! —sasa.

Ukxarusti Jesusax mä utaruw mantäna, sapakïskipansti, yatiqirinakapax juparuw jiskt'asipxäna: —¿Kunatarak nanakataki uka ñanqha ajayur alisnukuñatak ch'amasti jan utjapkitusti? —sasa. Jesusasti jupanakarux sänwa: —Ukham ñanqha ajayunakarux, Tatitut mayisiñampikiw alisnukusispa —sasa.

Jayux sumawa; jayutix ch'aphaqsuspaxa, ¿kunampirak suma jayu tukuyapxasmasti? Jumanakax suma jayur uñtatäpxam, ukatsti sumankañan jumanak purax jakapxarakim.

—Khititix akham wawaru nayan sutixan katuqki ukaxa, nayaruw katuqitu; nayar katuqiristi, janiw nayarukit katuqki, jan ukasti khithankitu ukaruw katuqaraki —sasa.

Khititix jumanakar Cristonkapxatam layku mä juk'a umaksa waxt'apxätamxa, chiqpachansa uka jaqix mä churäwi katuqani —sasa.

“Khititix nayar iyawsir jisk'a wawanakar juchar puriyaspa ukkhaxa, uka jaqix mä jach'a molino qalampi kunkar chinuntasin quta manqhar jaquntatäñapax walïspawa.

Nayramatix juchar puriyañ munstamxa, apsxam, ukatsti juk'amp sumäspaw Diosan markapar ch'ulla nayrani mantañamaxa, pä nayranpacha manqhapachar jaquntatäñamat sipana