ខគម្ពីរពេញនិយមពី MATEO 14

ចែក​រំលែក

Ukham sarkasinsti, thayan wal thayt'asinkatap amuyäna, axsarañatsti umaruw utjantäna, ukat art'asïna: —¡Tatay, waysuta! —sasa. Ukspachaw Jesusax amparapat katusin Pedrorux waysüna, ukat sarakïna: —¡Pisi iyawsañan jaqi! ¿Kunatarak pächastasti? —sasa.

Ukham sarkasinsti, thayan wal thayt'asinkatap amuyäna, axsarañatsti umaruw utjantäna, ukat art'asïna: —¡Tatay, waysuta! —sasa.

Ukampis Jesusax jupanakarux sänwa: —Jan axsarapxamti, nayäsktwa —sasa.

Pedrosti juparux sarakïnwa: —Tatay, jumästa ukaxa, uma patanjam jutam sitaya —sasa. Jesusasti juparux sänwa: —Jutaskakim —sasa. Pedrosti botet saraqasinxa, jupan ukaruw uma patanjam saräna.

Ukapachaw botenkirinakax killt'asisin Jesusarux sapxäna: —¡Jumax chiqpachapuniw Diosan Yuqapätaxa! —sasa.

Jesusasti jupanakarux sänwa: —Janiw sarxapxañapax wakiskiti, jumanakay manq'añ churapxam —sasa. Jupanakasti sapxänwa: —Phisqa t'ant'ampi pä chawllampikiw utjapxitu —sasa.

Jesusasti sarakïnwa: —Akar apanipxam —sasa. Ukxarusti Jesusax jaqinakan ch'ijir qunurañapatakiw mayïna. Ukatsti phisqa t'ant'ampi pä chawllampi katusin alaxpach uñtasaw Diosar yuspagaräna. T'ant'a pachjasinsti yatiqirinakaparuw churäna taqi jaqinakar lakintapxañapataki.

Taqiniw sist'asiñkam manq'apxäna; ukatsti puchunak tunka payan walaya apthapipxäna.