ខគម្ពីរពេញនិយមពី GÉNESIS 28

ចែក​រំលែក

Nayaw jumampïskta; kawkirutix sarkäta ukan imaskapunïmawa, ukatsti aka pachpa uraqiruw kuttayanxäma. Arsutaxar phuqhañkamax janipuniw antutkämati” sasa.

Ukhamarus Tatituruw jupa jak'an sayt'atäskir uñjäna, akham jupar sarakïna: “Nayätwa Tatit Diosaxa, Abraham achachilaman Diosapa, Isaac awkiman Diosapaxa. Jumampiru, wawanakamampiruw kawkhantix ikt'atäkta uka uraqi churapxäma.

Samkat sartxasinsti, Jacobux wali mulljataw sarakïna: “Chiqpachapuniw Tatitux akawjankaski, janiw nayax uk yatkayätti” sasa.

Uka qhipatsti Jacobux aka arunak arsüna: “Diosatix nayampïni, aka saräwinsa yanaparakitani, manq'añsa, isisiñsa churitani, awkixan utaparus sumakirak kuttayxitani ukapachax, chiqpachansa Tatitux Diosaxäniwa. Aka qala mä pilarar uñtata akawjar sayt'ayataxasti, Diosan utapäniwa. Dios Tatay, taqi kunanaktix churkitäta ukatxa, sapa tunkat maya churapunïmawa” sasa.

Jumat saraqir wawanakamasti uraq laq'ar uñtata sinti waljapunïniwa, jupanakasti amstaru, aynacharu, inti jalanta tuqiru, inti jalsu tuqiruw saratatani, uka uraqin utjir wila masinakasti juma tuqiwa, wawanakam tuqirakiw aski waxt'äwinak katuqani.

Uka chiqansti nayrax mä markaw utjatayna, uka markasti “Qhana” satänwa, ukampis Jacobux Betel sasaw uka markar sutichäna, ukasti ‘Tatit Diosan utapa’ sañ muni.