ខគម្ពីរពេញនិយមពី ÉXODO 20

ចែក​រំលែក

“Nayaw juman Tatit Diosamätxa, nayaw Egipto uraqit irpsunsma, t'aqhisiyat jikxataskäyät uka markata. “Janiw jumax nayat sipan yaqha diosanak uchasïtati.

“Janiw yaqha diosanak uñtat lurasïtati, alaxpachan utjir uñtatsa, aka uraqin utjir uñtatsa, quta manqha uraqin utjir uñtatsa. Janiw uka diosanakatak killt'asïtati, janirakiw yupaychätasa, nayaw juman Tatit Diosamätxa, jan yaqhampïñam munir Diosätwa, nayar uñisir awkinakan juchapatxa, nayaw wawanakaparusa, allchhinakaparusa, allchhinakan allchhinakaparus mutuyta

“Awkimaru, taykamar waqaycham, Tatit Diosamax churkätam uka uraqin jaya maranak jakañamataki.

“Sábado urut amtasïta, uka urun Diosar jach'añchañataki.

“Janiw Tatit Diosaman sutip inamayatak aytasïtati, jupasti inamay sutip aytasirirux mutuyaniwa.

Jumax suxta uruw irnaqäta, taqi kuntix lurañamäki ukanakxa, ukürunakaw luräta, paqallqüri urusti samarañ uruwa, Tatit Diosamatak yaqhachat uruwa. Uka urux janiw jumax kuns lurätati, yuqamasa, phuchhamasa, uywatamasa, uywanakamasa, utamankki uka jaya markankir jaqis janiw kuns lurapxañapäkiti.

“Janiw jaqi masimankir utap munapayätati: janirakiw warmipsa, uywatapsa, vacapsa, asnopsa, kunanakapatix utjki ukanaksa munapayätati” sasa.

“Janiw jaqi masimatak kuna k'ari arunaksa parlätati.

“Janiw wachuq jucha lurätati.

“Janiw jiwayätati.

“Janiw lunthatätati.