Jumanakan amuyunakam qhanjtayañapatakiw Diosarux mayirakta, kuna suyt'äwirutix jawskistu uk yatipxañamataki, kunja muspharkaña, jilarkir waxt'äwtix Diosax qullan markapankirinakar churki uk yatipxañamatakiraki, ch'amapax kunja jach'asa, jan tukuskirisa, uka ch'amaw Cristor iyawsirinakarux ch'amañchaskistu. Aka ch'amasti Diosax taqi ch'amapampi uñacht'aykän uka pachpawa, kunapachatix Cristor jiwatat jaktayki ukapacha, ukatsti alaxpachan jupan kupïxapar qunt'ayki ukapacha, taqi munañaninakxar utt'ayasa, jilïrinakxaru, marka apnaqirinakxaru, taqi kunatix jichhürunakansa, qhipa urunakansa utjkani ukanakxaru.