ខគម្ពីរពេញនិយមពី GÉNESIS 50

ចែក​រំលែក

Qankuna mana allintachu ruwawayta munarqankichej, Diostaj chay mana allinta, allinman tukucherqa, mayqentachus kunan rikushankichej, ashkhasta kausachinaypaj.

Josetaj paykunaman nerqa: Ama chaymantaqa llakikuychejchu, mana noqaqa Diospa sutimpi oqharikuymanchu.

Chayrayku ama llakikuychejchu. Noqaqa mikhunata qosqaykichej mikhunaykichejpaj, wawasniykichej mikhunankupaj ima. Ajinata Joseqa wauqesninta llakiyninkumanta sonqocharqa, may misk'i simiwan k'achamanta parlapayaspa.

Chaymanta Joseman nichimorqanku: Tatanchej manaraj wañupushaspa niwarqayku, kayta qanman ninaykuta: Kunanqa wawáy, mañakuyki ari, wauqesniykej tukuy sajrata ruwasusqankuta, juchasninkuta perdonanaykita; imaraykuchus paykuna mana allintachu ruwasorqanku, nispa. Chayrayku mañakuyku ari, tukuy sajrata qampaj ruwasqasniykuta perdonapuwayku, imaraykuchus tataykej Diosnimpa kamachisnin kayku, nispa. Ajinata nisqankuta chay kachas willashajtinkutaj Joseqa mayta waqasharqa.

Uj kuti Joseqa wauqesninman nerqa: Pisillaña kashan wañupunayman, Dios qankunamanta yuyarikusonqachej, kay jallp'amanta orqhosonqachej, pusasunaykichejpaj mayqen jallp'atachus qosqaykichej nerqa Abrahamman, Jacobman ima, chayman.

Chaymantaqa José Israelpa wawasninta juracherqa, kay jinata nispa: Dios cheqamanta jamonqa qankunata kaymanta orqhosunaykichejpaj. Jina kajtinkamataj qankunaqa kaymanta tullusniyta apapuwankichej maymanchus rishankichej chayman.

Jinamanta Joseqa wañuporqa pachaj chunkayoj watasniyoj. Wauqesnintaj ayanta jawiykuspa, sumajta ch'akichispataj, cajonman churaykuspa waqaycharqanku Egiptopi.