ខគម្ពីរពេញនិយមពី Roma 4

ចែក​រំលែក

Wayà gid siya nagduha-duha sa pangakò ng Dios, kundì nagtuo siya. Nganì gingpakusog siya ng Dios tungod sa iya pagtuo. Kag gingdayaw niya ang Dios kay nagsalig gid siya nga tumanon ng Dios ang iya gingpangakò.

Ginahambay ng Kasulatan, “Ginghuman ko ikaw nga tatay ng madamò nga nasyon.” Ini nga pangakò hay sigurado gid kay ang Dios ang naghuman ini. Kag ang Dios nga gingtuuhan ni Abraham imaw da ang Dios nga nagatao kabuhì sa mga patay kag nagatuga ng mga butang nga wayà pa.

Gingpatay si Hesus tungod sa aton mga salà kag gingbanhaw siya agud kabigon kita nga matarong.

Aber wayà na gid paglaom nga makaungà, nagtuo gihapon si Abraham nga siya hay maging tatay ng madamò nga nasyon. Nganì sa iya pagtuo, natuman ang pangakò ng Dios. Sunò gid sa ginghambay ng Dios sa iya, “Magiging pareho kadamò sa mga bituon ang imo mga inapo.”

Nganì ang pangakò ng Dios hay paagi lang sa pagtuo, agud ini hay maitao ng Dios nga wayà bayad kag maging pamatuod nga ini hay mababaton ng tanan nga inapo ni Abraham, bukon lang sa mga Judio nga sakop sa Kasuguan, kundì sa mga bukon Judio nga nagatuo da pareho kay Abraham. Kay si Abraham imaw ang tatay ng tanan nga nagatuo, Judio man o bukon.

Naghambay siya, “Bulahan ang mga tawo nga ang inda mga pagsuway hay gingpatawad, kag ang inda mga salà hay ginglimot na ng Dios. Bulahan ang tawo nga ang iya salà hay wayà na ginadumduma ng Ginoo.”

Nasayuran naton ini kay ginahambay ng Kasulatan, “Nagtuo si Abraham sa Dios kag tungod diri gingkabig siya nga matarong ng Dios.”