ខគម្ពីរពេញនិយមពី Marcos 11

ចែក​រំលែក

Nganì ginahambay ko sa indo, aber ano ang indo pangayuon sa pangamuyò, magtuo kamo nga nabaton na ini nindo kag mababaton gid nindo.

Sa matuod lang ginahambay ko sa indo, ang aber sin-o nga maghambay sa ini nga bukid, ‘Maghalin ka diri kag maglukso sa dagat’ kag kung wayà siya nagapangduha-duha kundì nagatuo nga ini matabò, inà hay matatabò para sa iya.

Kag kung nagapangamuyò kamo, patawara anay nindo ang mga nakasalà sa indo, agud patawaron da ang indo mga salà ng indo Amay sa langit.”

Nagsabat si Hesus sa inda, “Magtuo kamo sa Dios!

Kag gingtudluan niya sinda. Hambay niya, “Dì ba ginahambay ng Kasulatan, ‘Tawagon ang akon bayay nga pangamuyuan para sa tanan nga nasyon?’ Pero kamo! Ginghuman nindo nga panaguan ng mga tulisan!”

Ang mga nagauna kay Hesus kag ang mga nagasunod hay nagasinggit, “Hosana! Ginapakamaayo ng Ginoo ang iya gingsugò!

Ginapakamaayo ng Dios ang paabuton nga gingharian ni David nga aton kalulo-lulohan. Hosana! Dayawon ang Dios sa pinakamataas gid sa tanan!”