ខគម្ពីរពេញនិយមពី Luc 6

ចែក​រំលែក

Tīī a-juti, ní Unimbɔti ń dāá tīī-si mun. Bi làá dāá ŋmàntī ní kí cìŋkì kí tēefì, ní án gbí púm, ní bí dūú sìtī a-lookun. A nín ŋmāntì pu ki tīī a-jutee, míǹ ní Unimbɔti làá dāá ŋmàntī kí tīī si mun.»

Unimɔnti tūǹ atummɔnti ní, kun puee u-pɔbil poon ŋān̄, ní unikpiti tūǹ atuŋkpiti, kun puee u-pɔbil poon kaa ŋān̄. Di sá yii tin gbí unil pɔbilinee, tíǹ ní u-nyɔkɔ sòoǹ.»

Min máaǹ ní ŋée di sá ní nīn néeḿmaan bin ná-nee, kí nīn ŋáań-bi tiŋan, kí nīn pìntímaan kí taa nín̄ dàkafī yii bi làá téeǹ-ni. Míǹ ní ni dāa fòol̄ tipaakpaandi ní ki dāa sá Unimbɔti un bí yilpuee biyaamu, kun puee úǹ ŋáań tiŋan ki tìì bin kaa nyí tiŋanee nì bin sá binikpitibee.

Ní nīn cáá tiniti tikpil kii ni-Baa nín cáá tiniti tikpil puee.»

«Taa nín̄ sòoǹ a-juti bɔti, ní Unimbɔti mun ń taa láa sòoǹ a mun yati. Taa kpɔ̀ a-juti bɔti, ní Unimbɔti mun ń taa kpɔ̀ a-yati. Dū a-juti yìntitam kí pɔ̄-u, ní Unimbɔti ń dū a mun yìntitam kí pɔ̄-si.

«Ama m tùkù nimbi bin pílifíǹ-mi nee yii, ní nīn néeḿmaan ni-nannanliibi kí nīn ŋáaḿmaan bin ná-nee tiŋan. Bin bin tòó-ni mbusuee, mèèmaan Unimbɔti ń ŋá-bi tiŋan, kí mèè kí tīī bin sàantí-nee.

Ni nín là bí ŋá min kí tīī-nee, ŋámaan míǹ kí tīī ni-jutiibi.

Ubɔ yaa fáá a-taŋkpanjil diba ntampee, á fàtī din kíǹee kí tīī-u ú fáá. Ubɔ yaa yōoǹ a-kpalibuee, á yàntī ú yòon̄ a-bɔkutiwaaki mun. Ubɔ yaa mēē-si tibee, á tīī-u. Ubɔ yaa yōoǹ a-wanti, á taa bàlifì-u.

«Busumɔntiibu kaa lòoǹ asubikpiti, míǹ ní busukpitibu mun kaa lòoǹ asubimɔnti.

Busubu kamaa bil pu ní bi béetí-bu. Baa kìtī kɔŋkib abɔjanaakun pu, kaa tí tòó atuun kikuŋkumbɔŋ pu.