ខគម្ពីរពេញនិយមពី 2 Kɔlìn 1

ចែក​រំលែក

Bà kɔ̀ŋke a Mbɔ̧ɔ̧mà, Tǎt Yesò Klistò Lefɨ̀Ꞌ wa. Tà wu Tǎt tàa nkua tèsȩ la, mè ngu Mbɔ̧ɔ̧mà tàa ndzìà mèntɨ̧ɨ̧ bòt la. Tàà ndzìà mèntɨ̧ɨ̧ ma àfɨ̀Ꞌ àgème bà ndzea ngoꞋ la, mbɨ̀Ꞌɨ̀ bàambɔŋ aa me koa nɨa mèntɨ̧ɨ̧ kèfi màa Mbɔ̧ɔ̧mà ŋa abua ya la ndzìà mèntɨ̧ɨ̧ bòt bu ngoꞋ kwene ane yɔb la mɨ̧̂.

Èlɨ bàa ndzea ngoꞋ kwàꞋ ànyaꞋne ane ànəa Yesò Klistò la, wu wuê èlɨ Yesò Klistò wu nàa ngɨ̀à Mbɔ̧ɔ̧mà zìà mèntɨ̧ɨ̧ ma la mɨ̧̂.

Ba li mbê mɨ̀ɨ̀tè nê àyaa ne àlia a kuêꞋ. Lə ngoꞋ yaa li ngu mbɨ̀Ꞌɨ̀ ba ko nê, ba bakà bɔ ndɨ bàa lɨ̀Ꞌà wa ane ya bàambɔŋ la, ba bɔ ndɨ bàa lɨ̀Ꞌà wa wuê ane Mbɔ̧ɔ̧mà wu tàa njù̧ù̧ma bòt bɔ pfəꞋte la.

Wu Mbɔ̧ɔ̧mà ka tàa ngɨ̀à ba nɨ̧̀ ba e kweela ane mènəè tò ndɨ̀ wu bà tsiꞋi àghɨ yeamɔꞋ nè Yesò Klistò la. Wu tòà ka tà zì àwa ane bɔfàꞋ bi la. Tà zǐ àlȩê a zi ane ya, enɨ nyɨꞋte nê ba wu bòt bi, mè ndzì Fo Kèfə a mèntɨ̧ɨ̧ ma enɨ nyɨꞋte nê baa li ebɔ èghɨ tà nɔ̀ŋe abua ya la.

Ba me ye ngoꞋ ko naa me zì mèntɨ̧ɨ̧ mɨ̧, mèntsèke mɨ̧ nè Mbɔ̧ɔ̧mà mè ngu ntsɔ̧̀. Bɔ mè ndzìà mèntɨ̧ɨ̧ ma ko aa wu nê bɔ zi mɨ̧ mɨ̧̂, mbɨ̀Ꞌɨ̀ aa tɨŋe awɨ̧ bɨa kuule mèntɨ̧ɨ̧ ekìi ngoꞋtsə mbɨ̀Ꞌɨ̀ bàa nkìa la.