ខគម្ពីរពេញនិយមពី Yohana 10

ចែក​រំលែក

“Umwiifwi s'etsa khu lwe shishiindu shishindi ta, ne njeeba etsa khukhwiiba, ni khukhwiira, ni khuhesa bibiiliwo. Ne ise neetsa khubawa inywe bulamu, nalundi ndi mube ni nabwo mu bwitsufu.

“Ise ndi umwaayi umulayi. Umwaayi umulayi awanayo bulamu bweewe khulwe kamasheese keewe.

Kamasheese kakaase kawulila likono lyase, nase nakamanya, lundi nako kanondelela.

Ise ingawa bulamu bubukhawawo ta. Shikalihela ta, lundi mbaawo ulikawutula khukhwaama mu mukhono kwase ta.

Ise niye kumulyaango. Umuundu yeesi ni enjilila mus'iise, aliwonesebwa. Alinjila, lundi arure anyoole kamayilo.

“Ise ndi umwaayi umulayi, namanya kamasheese kaase, ni kakaase nako kayimanya samweene.

Paapa wase niye uwakaamba ise, niye uminyisa bibiindu byoosi, nashiryo mbaawo umuundu yeesi unyala khuwutula shishiindu shoosi khukhwaama mu mukhono kwa Paapa ta. Ise ni Paapa khuli umuundu mutweela.”

Nga Paapa n'amanya ise, ni nase nga ni namanya Paapa, nawanayo bulamu bwase khulwe kamasheese.

Mbaawo umuundu uwundusakho bulamu bwase ta; ne ise imbuwaanayo samweene khu bwase. Indi ni bunyala bwe khubuwaanayo, nalundi ndi ni bunyala bwe khubufuna lundi. Shino nisho sheesi Paapa andakiile khukhola.”

Aryo lwanyuma Yezu waloma lundi ari: “Ilala, ilala, imbaboolela ndi, ise niye kumulyaango kwe kamasheese.

Ne umuraambi uwayisa ari afune kumukheemba, ukhali umweene uwe kamasheese ta, n'abona khatsuutse nga kheetsa, alekha kamasheese watima waatsya, khatsuutse khaluumba kamasheese, khakasalanisa.

Yezu waloma ari, “Ilala, ilala, imbaboolela ndi, umuundu ukhabirira mu mulyaango nga enjila mu litaala lye kamasheese, ne waniinila ahandi busa, uyo aba umwiifwi, nalundi umunuuli.