ខគម្ពីរពេញនិយមពី Henesis 27

ចែក​រំលែក

Kabay pang ita-o sa imo it Dios, kag tun-og nak halin sa langit, ag matabang paninanom, ag buganang panubas it uyas ag inumong ubas. Kabay pa rang magpasakop ag serbisyuhan ka it mga nasyon, ag kag katawuhan sa imo ay magsinuong. Kag imo kahalihan ay imo apanguyuhan, ag kag mga inanak it imo nanay, ikaw ay ayurhan. Kabay pang kag magsumpa sa imo ay sumpaon ra, ag kag mapakamaado sa imo ay apakamaaduhon ra.”

Siling ni Esau, “Hm! Tamang gador kag ida pangayan nak Jacob, dahil manluluko talaga sida! Ruhang besesey kaling ida pangluko sa ako. It katong una, ingbaoy nida kag ako pagka-maguyáng, ag ngasing ay ida ray ing-agaw kag bendisyon nak tan-a'y para sa ako.” Ag nagsiling pa sida, “Wayaey baga talaga Tay it nabilin nak bendisyon para sa ako?”

Kada, nagsabat si Isaac kang Esau ag kali kag ida bendisyon sa ida, “Anak, kag imo magiging istaran ay ruto sa dutang mayado sa kabuganaan, ruto sa lugar nak indi matun-ugan. Sa espada ka mabubuhi. Ikaw ay aulipunon it imo manghor, pero sida ay imo alabanan, ag ikaw ay makakahaw-as sa ida gahom.”

Pero padayon nak nagpakitluoy si Esau sa ida tatay, “Tay, wayaey bagang gador it nabilin, aber usa? Bendisyune ra ako Tay!” Ag nagpakatibaw ray liwat sida.