ខគម្ពីរពេញនិយមពី Romanos 3

ចែក​រំលែក

porque mumutʌ cowapa'ttamu y ja'ndʌ ŋgʌpa'ttame te' masa'najcuy Diojsis wyi'naŋdʌjqui. Coyowatacatʌ justococottamu Diojsis ñe' yajya'moquiupyit jupyuttamu'ctʌ ŋgowa'ojmoc Cristo Jesuspit.

Yʌ' Diojsis jyusticia te' tzi'papʌtʌj, mumu pʌngotoya ijtu Jesucristo wʌ'aŋjamgupyit, juca iwʌ's wyʌ'aŋjamba ñe'cʌ. Porque tu'mbactijtʌ

Y yʌ' Jesús chi'oquia'u Diojsis wa'y quioyojayu tʌta'm ŋgowa ñe' ñʌ'pinbit ca'u'c cruzcʌsi, y te'wʌ mbʌjcʌchoŋbatʌ wʌ'aŋjamgupyit. Yʌ'šej chʌjcu Diojsis wa'y yajqueju ñe' jyusticia, porque myatzcomʌ'nu 'yucaŋgʌ'mʌc te' ya'acta'mbʌ cowa ñe' pyacienciapit. Yʌ'šej chʌjcu wa'ytyʌ yajquendamu yʌ'ta'mbʌ aŋsʌ'ŋoyj ñe' jyusticia, y que ñe'cʌ justopʌte' y jyustococotpa iwʌ's wyʌ'aŋjamba Jesús.

Porque ñempetʌ inʌc ŋgojamdamʌ te' aŋgui'mguy, ja'n te'wʌcotoya tʌ maŋba justococojtu Diojsis, porque te' aŋgui'mgupyit muspatʌ que cowatzʌquita'mdʌyʌ'.

Ja'yʌyušej: Ja'ndiyʌ justopʌ, nitya' tumʌc. Ja'ndiyʌ iwʌ's ñʌctʌ'pya. Ja'ndiyʌ iwʌ's mye'tzpa Dios. Mumu tuŋdocoyaju. Myuma'ŋgʌ'y yajtiyʌcotoya ja'n yojšay. Ja'ndiya' iwʌ's chʌcpa oyepʌ tiyʌ, ja'ndiyʌ nitya' tumʌc.

Yʌtij jeque, muspatʌ que jyustococotpa Diojsis te' pʌn te' wyʌ'aŋjamgupyit, y ja'nde' te' chʌquipit jacpʌtij chambašej te' aŋgui'mgu'yis.

Nijutz ja'ne, sino que muspatʌ que Dios wiyuŋdzamba ñempe mumu pʌn sujchajpa. Yʌ'šej ja'yʌyu: Wa'y myujšaju que nwyiyuŋdzambapʌmijte' te' mis ndzamepit, y wa'mis nwʌyaju ñchʌjqui'šajpa'camij.