ខគម្ពីរពេញនិយមពី San Lucas 14

ចែក​រំលែក

Iwʌ'sʌj sunba co'ŋu y wyi'naŋgotpa tyataj, ñanaj, yomo, 'yuneta'm, 'yatzita'm, quioseta'm y hasta ñe' wyin, y ucatʌctzi'pa'ʌj ʌj, ja'n quiʌpa'te wa'yʌs ŋgʌ'aŋmaye'aju.

Y iwʌ na'tzpa tyoyapʌjcu jujcha' ʌj maŋbaše'ʌj ndoyapʌjcu cruzcʌsi, ja'n quiʌpa'te wa'yʌs ŋgʌ'aŋmaye'aju.

Porque iwʌ's myʌja'ŋgomʌ'pya wyin, maŋba yajcʌma'ŋajyaju. Y iwʌ's quiʌmaŋdzʌcpa wyin, maŋba yajmʌja'ŋajyaju.

Te'šej jeque mi'ojmota'm, iwʌ's ja'n chaque myumutiyʌ ñʌ'ijtupʌ, ja'n quiʌpa'te wa'yʌs ŋgʌ'aŋmaye'aju.

Juca mi'ojmocta'm ijtu sunba chʌjcupʌ's torre, ¿ja'nsʌ'ŋ winac pocsu'c myaye tyumin, juca ta'nba wa'y yajtujcu? Yʌ'šej chʌcpa uytya' quiotjayu'cande' cho'tzcuy, ja'na tiyʌpit yajtuqui, y jujche'ŋ maŋba quieñajupʌ's maŋba qui'tzcu'yajyaju. Maŋba ñʌmyaju: Yʌ' pʌ'nis ñitzʌjcu yʌ' torre y jamusʌ yajtucʌ.

Pero ndzʌcpa'camis sʌŋ-gu'tcuy, aŋbʌcʌ pobreta'mbʌ, cʌ'tyucuta'mbʌ, mʌ'ŋga'ŋyajpapʌ y to'tita'mbʌ. Y dichosomij ñchʌ'pya, porque ja'nmij musi ŋguioyojyaju. Pero maŋbamis mbʌjcu ŋgoyowa winsa'yajpa'ca justota'mbʌ.

Te' cana jene oyepʌte'. Pero juca te' cana seque'ajpa, ¿jutza'ndʌ nyajcana'omwʌtzʌcpa? Ja'na yose ni wa'ytyʌ ndzo'yʌyu nas, ni jojpajcojmopʌ putzicotoya, sino que tyʌŋbujtyajpa. Iwʌ's ijtu quiowita'm wa'y myatoŋyaju, yajcʌmato'ŋʌya'ʌj.