ខគម្ពីរពេញនិយមពី Matthew 4

ចែក​រំលែក

naskwēwasimēw Jesus ē‑itāt, “kihci-masinahikanihk itastēw, ‘ayisiyiniw namōya nayēstaw pahkwēsikana kita-kī-ohci-pimācihot, māka kahkiyaw kīkway kā‑itwēyit kisē-manitowa.’”

naskwēwasimēw Jesus, “awas sipwēhtē macāyis! kihci-masinahikan itastēw, ‘mawimostaw kā‑tipēyihcikēt kikisē-manitōm, ēwako piko kita-mawimostawat.’”

ōmisi itēw ēsa Jesus, “māka kihci-masinahikanihk mīna ōmisi itastēw, ‘ēkāya kocih kā‑tipēyihcikēt kikisē-manitōm.’”

kī‑ati-ispayin kā‑kanātisit ahcāhkwa ē‑sipwēhtahikot Jesus pakwataskīhk isi kita-kotēyimikot maci-manitowa. ē‑kī-ayiyāt pakwāci-ayihk nēwomitanaw kīsikāw namwāc ē‑mīcisot kī‑nōhtēhkatēw ēsa.

ōmisi itēw, “mahti wīcēwik ēkosi kika-kiskinohamātināwāw kita-isi-ocipitāyēkok ayisiyiniwak.” sēmāk ēsa nakatēwak otayapīmiwāwa ēkwa wīcēwēwak.

ōta ohci Jesus kā‑māci-kakēskīhkēmot ē‑itwēt, “kwēskātisik kā‑kī-maci-tōtamēk ayisk wīpac kihci-kīsikowi-tipēyihcikēwin wī‑otihtikonaw.”