ខគម្ពីរពេញនិយមពី Matthew 13

ចែក​រំលែក

māka aniki kiscikānisak kā‑pahkisihkik ita ē‑miywāsik asiskiy, ēwakonik ayisiyiniwak kā‑natohtahkik mīna kā‑nisitohtahkik. ēwakonik tāpiskōc kistikāna kwayask ē‑mīnisiwicik, pēyak mitātahtomitanaw itahtominakisow, kotak nikotwāsomitanaw, mīna kotak nistomitanaw.”

aniki kiscikānisak kā‑pahkisihkik okāminakasīskāhk, ēwakonik ayisiyiniwak kā‑pēhtahkik itwēwin māka ē‑māmitonēyihtamihikocik askīwi-pimātisiwin ēkwa ē‑wanohtahikocik wēyōtisiwin, ēkosi namōya kīkway ēkota ohci nōkohtāwak.

kīspin awiyak pēhtam kā‑ātocikātēyik tipēyihcikēwin ēkwa namwāc nisitohtam, macāyisa pē‑otinamiyiwa anima kā‑kistikātamoht otēhihk. ēwako ana tāpiskōc anima kā‑kī-kistikēhk mēskanāsihk.

ēkwa aniki kiscikānisak kā‑pahkisihkik asinīskāhk, ēwakonik ayisiyiniwak mayaw kā‑pēhtahkik ōma sēmāk miywēyihtamwak. namwāc māka anima otāpwēhtamowiniwāw sōhkaniyiw, ēkosi ispīhk ē‑māyi-tōtāhcik ahpō ē‑kakwātakihihcik anima otāpwēhtamowiniwāw ohci, sēmāk pōmēwak.

“kihci-kīsikowi-tipēyihcikēwin itēyihtākwan tāpiskōc pēyak ēsa nāpēw ē‑miskahk ē‑āhkwakihtēyik kīkway kā‑kī-ayahikātēyik kistikān askīhk. kāwi ēsa ayaham ēkwa iyikohk ē‑miywēyihtahk kī‑nitawi-atāwākēw kahkiyaw kīkway kā‑ayāt ēkwa atāwēw anima askiy.

kotaka kī‑pahkihtiniyiwa ita ē‑miywāsiniyik asiskiy, ēkosi miyokiniyiwa kistikāna ātiht mitātahtomitanaw, ātiht nikotwāsomitanaw, ātiht nistomitanaw tahtominakisiyiwa.”

kiyām kistikān ēkwa macikwanāsa ka‑nīso-ohpikiwak isko pawahikēhki. ēkosi misawāc ispīhk manisikēki otatoskēwak nīkān kita-manipitamwak macikwanāsa ēkwa kita-tahkopitamwak kita-mēstihkasahkik, ēkwa kistikāna kita-māwasakonēwak kita-asowahācik nikistikānikamikohk.’”