ខគម្ពីរពេញនិយមពី Паччагьлугъар-1 1

ចែក​រំលែក

Ва Аннайи гьамциб ху гъапӀнийи: – Заварин Кьувватарин Аьхюр! Яв лукӀ асккан апӀувал Увуз гъябкъиш, эгер Увуз узу кӀваин гъахьиш ва узу гьадрархиш, эгер Яв лукӀраз Уву бицӀир тувиш, узу думу бицӀир РАББИЙИЗ бахш апӀидиза. Чан вари уьмриъ думу яв вуйир хьиди, ва дугъу чан куш алдапӀидар.

Гъурбан апӀбан дем ккудубкӀиган, Анна, яманди ишури, РАББИЙИЗ ккарагуз хъюгъю (думу вахтна Заанурин гъуллугъчи Илий РАББИЙИН Хулаъ учӀврушвахь деънайи).

– Ваъ, йиз жанаби, – жаваб туву Аннайи, – узу я чяхир, я ички гъубхъундарза. Узу дерин дерднакк кказа, гьаддиз РАББИЙИН улихь йиз рюгь ачухъ апӀурайза.

Хъа магьа узу ккун гъапӀу велед. Узу Чакан ккун гъапӀганси, РАББИЙИ думу узуз тувну.

Илийи жаваб туву: – Ислягьвалиинди гъарах! Израилин Заанури уву Чакан ккун апӀурайиб тувдивуз.