ខគម្ពីរពេញនិយមពី ROM 1

ចែក​រំលែក

Ineu nahe maemae tea huri na Roro Garea. Huri i ngehi a huireana noi God ve vin vaga mwasoi na sinobu hi ram ladohogo ginie. Ira duvi Juda tomue, siu a sinobu ngerehi hate duvi Juda.

Siu a Roro Garea mo haharagi huri ve i God mo vai na sinobu ram vovohoi lo nagona. A doridorigi hi, mo tavuigi gina ladohogo ko mo rovo lo ladohogo. Mwere na Reve reve Gogona mo veve vena, “Lune i God mo vai na tangaloi mo vovohoi lo nagona, ingeie vin mwaso a vevenagi a nona ladohogo”

Igide dain he leo lai God tea gina matada, a gineu hi dahe leo laire tea, ngehi a nona mwasoana tavuigi tuei, ko a nona huireana. Nge igide dain leolai na havagineu hi i God u teure lo tavuigi mo dadari gaqarigi, siu sinobu hate nora leo ve rain veve.

Ingere rau ilo God, nge rahe ware gareaginie God tea, sige rahe veve garea tea ginie. A domire mo huri na mamalawa. A nora domiana asi u horo gina dodogi.

U tatarise huri ve rain ladohogo gina hava gineu hi ve a hogo huri God, nge ram leahi huri ve rain ladohogo gina kalikeli. Siu ingere ram hudu-hudugoro na tanoi limana hi u teure, nge i God hatie, ngehi ve dain waregarea ginie vagituei Amen.

A lologagasi noi God mo haharaginie den eulu, mo qalogoro na gineu esi doluegi ngerehi a sinobu ram vaire. A mwasoara hi u esi mo lulungegi goro na hogo.

A vevenagi a sinobu rau vei na gineu ingere hi i God mo vaire ram vano tuturedu ram vai na gineu ngerehi a tanoi maemae lure ngehi ram tarani ve ran vaire. Ira vavine ram siregi rahe maturu tea mena mwera, ko ram tavuigi ram maturu meire sibora taligu. Ko a mwera lo dori dorigi vovohoi huri ve rain meturu meire vavine, nge a nora taratarani esi mo hurire sibora. A mwera ram vai na gineu a tanoi maemae lure meire mwera wagiwegineu, ko ingere ram wali na gagarasi lo tarabesire sibora ngehi a gaitawe mo eno vovohoi hurive ingere rain leie. Lune ingere rahe tarani tea ve rain ilo God. Siu i God mo sireginire ve ran vai na gineu ngerehi ve rain he vaire tea

Ingere ram veve huri ve rau mataisao, nge ingere a mala robagi. Siu u tatarise huri ve ingere rain hudu-hudugoro na God vin he mate lai tea, nge ingere ram leahi ram hudu-hudugoro na tarabesi nunui gineu ram gihire rau mwere na tangaloi, sige a manu ko a kakarue ko a mwata.