ខគម្ពីរពេញនិយមពី 2. Mosebok 32

ចែក​រំលែក

Då folket såg at Moses drygde med å koma ned av fjellet, flokka dei seg um Aron og sa til han: Kom, gjer oss ein gud som kann ganga framfyre oss! For me veit ikkje kvar det hev vorte av denne Moses, som førde oss upp frå Egyptarland.

Då sa Herren til Moses: Skunda deg og gakk ned att! Folket ditt, som du hev ført upp frå Egyptarlandet, hev fare stygt åt! Dei hev vore snøgge til å taka utav den vegen eg sa dei skulde fylgja. No hev dei støypt seg ein gullkalv; den legg dei seg på kne for og ofrar til han og ropar: Dette er din Gud, Israel, han som førde deg upp frå Egyptarlandet.

Då Aron såg det, bygde han eit altar for han og ropa ut: I morgon er det høgtid for Herren! Dagen etter reis folket upp i otta og ofra brennoffer og bar fram takkoffer; sidan sette dei seg til å eta og drikka og stod so upp att og gav seg til å leika.

Dagen etter sa Moses til folket: De hev gjort ei stor synd. No vil eg stiga upp til Herren; kann henda eg kunde gjera soning for syndi dykkar.