ខគម្ពីរពេញនិយមពី Exodus 8

ចែក​រំលែក

Ga walalanydja bitjarrayi liŋgu yana ŋulthu'yurrunayi, ŋuriŋiyinydja gaḏamanmirriyunydja, bitjanayi liŋgu bini walala, yurru gulkuru warray walalanydja bitjarrayi. Bala walala waŋana buŋgawanhana ŋuriŋi gaḏamanmirriyunydja, “Dhuwalanydja dhuwala Waŋarrwuŋu warray goŋbuy,” bitjarra. Yurru buŋgawanydja ŋayaŋu-wuṉḏaŋarrthina warray marrtjina, yakana ŋäkula yana, bitjarrayi yana liŋgu ŋunhi Garrayyu maṉḏakala ḻakaraŋala ŋunhala ŋäthili.

Bala märr-ḻurrkun' munha djuḻkthurruna ŋuliŋuruyi ŋunhi ŋayi Garrayyu wutthurruna gapu mayaŋ', bala Garraynydja waŋana Mawtjitjkala, biyapul djuy'yurruna ŋanya buŋgawawala, “Gatjuy marrtjiya bala buŋgawawala,” bitjarra. Bala maṉḏa marrtjinana, withiyarana ŋanya buŋgawanhana, ga ḻakaraŋala nhanbala bitjarra, “Garraynydja yukurra waŋa bitjan, ‘Djuy'yurrana ŋarraku malanhanydja yolŋu'-yulŋunhanydja, märr walala yurru dhawaṯthunna ga buku-ŋal'yunna ŋarraku.

Bala ŋayi buŋgawayunydja nhäŋala winya'-winyayunaranydja, ga baḏak yana rom-ḏälthina; yakana ŋula mäkiri'-witjurruna maṉḏaku, bitjarrana liŋguna ŋunhi ŋayi Garrayyu ḻakaraŋala maṉḏakala dhä-ŋäthili.

Ŋuli nhe yurru waŋa yaka'yundja, ŋarranydja yurru djuy'yun guḻku'na garkman, walala Yurru monygumana warrpam'nha wäŋanydja. Walala yurru gärrina marrtji nhumalaŋgala wäŋalilina malaŋulili, wapthunna yurru marrtji rupa'kurruna ga ŋathakurru ga girri'kurru, mirithirrina dhaŋaŋnha.’ ”

Bala Garrayyunydja waŋana Mawtjitjnha bitjarra, “ḻakaraŋana Yärunbanydja, ŋayi yurru dhunupamirriyama wapitja'yuna, bala wutthun munatha'na, bala Yurru munathany'tja mindjirrimirriyirrina, warrpam'nha yurru monyguma, ḻiw'marama Yetjiptja wäŋa.”

Bala yuwalkthi, Garrayyunydja djuy'yurrunana wurruḻuḻ'nha, biyaku ŋuli ŋula nhä monyguŋalanydja warrpam' wäŋa, bala' malanha djinawa', ga warraŋul wäŋa Yetjippuy monyguŋalayi yana warrpam', Yurru Yitjuralpuyŋuwunydja wäŋa bäyŋu wurruḻuḻ'mirriyina.