‘Gatjuy marrtjiya ga ḻakaraŋa dhiyapa yolŋuwa walalambala, biyaka gam',
“Ŋäma warray nhuma yurru yolŋunydja dhuwalayi dhäruktja,
yurru yakana nhuma yurru ŋäma dharaŋandja;
Nhäma nhe yurru yulŋunydja nhokalay maŋutjiyu,
yurru yakana nhe yurru nhäma wal'ŋu ŋamathamanydja.
Yo, nhenydja dhuwala ḻiya-dhumuknha,
liŋgu nhe yukurra gunganharamirrina mäkiri'na nhunapinyay nhe ŋänharaŋuruna,
ga maŋutjinydja nhe bambaythina nhänharaŋuruna,
liŋgu yaka nhe ḏukṯuk märranharawu dhiyakuyi dhäwu'wu.
Ŋunhi nhe bini märranha dhäruk dhuwalayi,
nhenydja bini ŋänhanydja dharaŋana warray wal'ŋu,
ga maŋutjiyunydja nhe bini nhänha yuwalkkunhana,
ga muḻkurrnydja nhuŋu bini ḻapthunana dharaŋanarawuna yuwalkku,
bala nhe bini bilyunanydja ŋarrakalana,
ga ŋarranydja bini ŋunhi ḏukmaranhana nhuna, walŋakunhana.”
Bitjarra ŋayi God waŋananydja.’ ”