ខគម្ពីរពេញនិយមពី Matthew 27

ចែក​រំលែក

Wiyesh maak nishtu e ispayiyich, Jesus chii tepweu e itwet, “Eloi, Eloi, lama sabachthani.” Maau e ishi itweshtamuwaataakanuuhch uu, “Nichishemanituum, Nichishemanituum, chekwaan wehchii pechi nakasiyin.”

Iskutak maak nepit an aakuuyekahiikan anite chisheayimiheukamikuhch kaa ihtakuhch mitun tekash chii tetaau taaschipayuu. Tekash e iskwekach chii ishi taaschipayuu. Aschii kaye chii aayaahchipayuu. Kaye asiniich chii taaschipayuuch. Chiipaikamikuh chii aapahiipayuuh. Mihchetu maak Chishemanituu utiiniimah kaa nipiyich chii wanishkaanaakanuyuuh.

Jesus maak miin chii tepweu e chishewet. Ekw kaa nipit.

An maak shimaakanishuuchimaau ekw maak aniyuuh ushimaakanishimh kaa naanaakachihaayich Jesus iskutak wiyaapahtahkwaau e kuihkuniyich ekw maak misiwe aniyuu taan kaa ispayiyich chii sechisuuch. Ekw kaa itwetwaau, “Taapwe kwaa eukw uyuuh Chishemanituu Ukusisa.”

Kaa aapihtaachiishikaach maak ekut mitun e kaschitipiskaach kaa ishinaakuhch misiwe e ishpishaach anit an aschii. Nishtu tipahiikan ekun kaa ishinaakuhch.

Ekw Pilate kaa itaat, “Taan maak che ihtuutuuk uu Jesus, an Christ kaa ishinihkaataakanuut.” Ekw misiwe anichii iinuuch kaa itwetwaau, “Chiistaaskuhwaahkw aashiteyaahtikuhch.” Ekw Pilate kaa itaat, “Chekwaayuu maak. Taan kaa ishi machituutahk.” Ekw aahch kaa aashihkwetwaau anichii iinuuch, “Chiistaaskuhwaahkw aashiteyaahtikuhch,” e ishi tepwetwaau.