ខគម្ពីរពេញនិយមពី EXODUS 32

ចែក​រំលែក

Mi zapi tla nih Mosi sâwt tak tlângah a um ti an theih rawh chun, Aron sinah an va kal le, “Mosi Aigupta ram thawk hen hawng kan suakpitu lakah zei thil a hawng tlung âukhawm nih kan theih lo; churuangah hawng kan ruitu ding hen pathian hawng kan siam piak,” an ti.

LALPA nih Mosi sinah, “Va ṭum sawm le, Aigupta ram thawk hen na suakpi na mi tla nih thilsual an ti le, an ka duh lo rawh. An kalnâk ding lampi ka ruat mi chu an mâk le; ngûn hen chawchal an siam le, an sawnh le, a sinah bâwlnâk an pêk. Hi hi Aigupta ram thawk hen hawng kan suakpitu pathian asi an ti.

Churawhchun, Aron nih ngûn chawchal mâika ah mâichâm a siam le, thu a sim “Thâi chu LALPA chawnglawmhnâk ding hen kût a um lai,” a ti. A thâizîng zîngtê ah ran tla bâwlnâk ah duah ding mi leh a tlâinâk ding thil ap ei ding mi tla an hawng put. Zû din leh pung-le-lêngnâk leiah pial mi, mi zapi nuamchenhtu tla chu din leh ei ding hen an to rawh.

A thâituan chun Mosi nih mi zapi tla sinah, “Sual ṭihnungkâi tak nan ti rawh. Sikhawmsele, tlângah LALPA sinah tuah ka va kâi nawlh lai; nan sual mi ruangah ngaihdâmnâk ka tawng lai mawh,” a ti.