ខគម្ពីរពេញនិយមពី Roma 5

ចែក​រំលែក

Koroka, chi utara anak ne katpak koro utara ne wa okai rapoketa Kiristo un gusu rai nisa ruwe ne a ambe ani Kamui un epeka no sange omap ambe ashte nisa ruwe ne.

inambe gusu ne yakun, Kamui omap-hi anak ne chikoro keutum ta a un koropare Ashkanne Ramat ani aohetu nisa ruwe ne.

Nei ambe gusu patek shomo ne, koroka, chi ki eramchuptekbe gusu ne yakka yaiyomonnure ash ruwe ne: inambe gusu ne yakun, aeramchuptekbe anak ne yaiyupupu ambe monraigere; orowa, yaiyupupu ambe anak ne auwande-hi hetukure; auwande ambe anak ne chipachipa kuni ambe atte ruwe ne sekoro chi eraman: orowa, chipachipa ambe anak ne yainikoroshmare shomoki ruwe ne

Tambe gusu, eishokor-i ankushkerai aoupekare wa okai gusu, Kamui epeka no Yesu Kiristo korʼirenga gusu itomo chi koro shiriki; Shinuma, gusu, eishokor-i ankushkerai, otta roshki wa okai irenga orun karange no arakire kuni ambe a un koropare nisa; orowa, Kamui nupeki gusu chipachipa ki wa yaiyomonnure chi ki ruwe ne.

Chi utara katchak wa okai rapoketa, pakihi epa chiki, Kiristo anak ne Kamui kooripak shomoki utara gusu rai nisa ruwe ne gusu ne na.

Tambe gusu, naa eetasa no, Shinuma koro kem otta aoupekare wa okai gusu, Shinuma ankushkeraipo irushka-hi orowa no aohaitare ash kusu ne na.

Inambe gusu ne yakun, shine ainu itakkashi ambe gusu inne utara akokatpakte nei no, tap korachi Shinen itaknu ambe gusu nei inne utara aoupekare kusu ne na.

nei ambe patek shomo ne, koroka, gusu chi utara aeramuritenka chikoro Utarapa ne Yesu Kiristo ankushkerai Kamui orun chi yaiyomonnure ash ruwe ne.