ខគម្ពីរពេញនិយមពី Roma 10

ចែក​រំលែក

Yesu anak ne Utarapa ne sekoro paroho ani e pushpusu chiki, samata, Kamui anak ne Shinuma rai-i orowa no hetopo-shiknure sekoro keutum ta eishokoro yakne

eani kashi-a-obiuki kusu ne; inambe gusu ne yakun, aoupekare ambe gusu ainu anak ne keutum ani eishokoro; orowa, kashi-a-obiuki gusu paroho ani pushpusu wa ye ruwe ne gusu ne na.

Tambe gusu, eishokor-i anak ne nu gusu an ambe ne, nu ambe anak Kiristo koro itak gusu an ambe ne ruwe ne.

Nen ne yakka Shinuma eishokoro guru anak ne shomo ayainikoroshmare kusu ne ari an itak ani Kamui Kambi ye ruwe ne gusu ne na. Yudea un guru newa Herenes un guru gusu uwechutko no an ambe isama: inambe gusu ne yakun, nei ukorachi an ambe anak ne obitta no okai utara gusu shine Utarapa ne, aige, otta ko-nishuk guru gusu oteknu ruwe ne gusu ne na: orowa, inan guru ne yakka Utarapa reihei ko-nishuk chiki kashi-a-obiuki kusu ne.

Orowa, shomo aeteshkara chiki, nekon a iki wa eupaskuma ki kusu ne ya? Anuye wa an ambe korachi poka ne :— Pirika okaibe gusu an pirika shongo koro wa araki utara koro chikiri nep iramasure humi!

Yakun, nekon a iki wa shomo eishokorobe otta nei utara ko-nishuk kusu ne ya? Samata, nekon a iki wa gusu shomo anu ambe eishokoro kusu ne ya? Shui, eupaskuma ki guru isam chiki nekon a iki wa nu eashkai ya?

Inambe gusu ne yakun, obitta no okai eishokoro utara aoupekare kuni gusu Kiristo anak ne tuitak aeramushinnep ne ruwe ne na.