ខគម្ពីរពេញនិយមពី Iyohaichish 119

ចែក​រំលែក

E koro itak anak ne ku chikiri gusu an ratchako ne, Ku apkash ru gusu an pekere ne ruwe ne

Kuani ika E epeka no wen-be ku ki kuni ne, E koro itak ku keutum ta eumashnu wa an na.

Peure ainu anak ne hemanda ani kon ruhu ashkannere kusu ne ruwe he an? E koro itak an korachi koyairamatte ani aki kusu ne na.

Shinuma koro ekambaktep shikkashima wa Keutum ebitta ani Shinuma hunara utara anak ne anunuke ne ruwe ne.

Aokai anak ne ku numne ushike ne, ku koro kikhumbe E ne: E korʼitak gusu ku chipachipa ruwe ne.

En wayashnure wa en kore, yakun, E koro tuitak ku shikkashima kusu ne; Ruwe newa ramu-osshi wano nei ambe ku shikkashima ruwe ne kusu ne na

E koro ipawetenge orun ku keutum epekare wa, Shomo yaikoshipuinere-hi otta hosari kuni ne kara wa en kore.

Ani a en shirikirap ambe anak ne kuani gusu pirika ruwe ne; Nei ambe anak E koro ekambakbe ku eyaihannokkara kuni gusu an ambe ne na.

Tambe anak ne ku yairamkoiki ita an en omaoma ambe ne: E koro itak en shiknure nisa ruwe ne gusu ne na.

E koro ikashpaotte oma ru otta en apkashte wa en kore; Inambe gusu ne yakun, nei ambe ku enupetne ruwe ne gusu ne na.

Aa Ehoba, E koro ekambakbe oma ruhu en epakashnu wa en kore; Yakun, okese pakno nei ambe ku shikkashima kusu ne na.

Ku ramat shingi wa nin ruwe ne: E koro itak an korachi en tumashnure wa en kore.

Aa E koro tuitak ku omap humi! Tokap ebitta nei ambe ku ramepakari ruwe ne.