ខគម្ពីរពេញនិយមពី Apostoro ikip oma kambi 16

ចែក​រំលែក

Orowa, nei utara ene itak-hi :— Utarapa ne Yesu eishokoro yan, yakun e kashichiobiuki kusu ne, eani newa e koro uni un utara tura, ari itak.

Koroka, an noshike paketa Pauros newa Siras anak ne Kamui otta inonno-itak hemhem ki shinotcha-ibehe shinotcha hemhem ki shiriki wa okai an, awa, okai apakashnu utara nei ambe inu korʼan; aige, ekushkonna poro shirishimoye an, nei upakashnu chisei asamaha amoimoigere pakno an ruwe ne: orowa, nani apa-ushta obitta makke; samata, obitta no okai utara koro atupepeok-tep apita nisa ruwe ne.

ishitoma gusu kotususatki hine Pauros newa Siras kotpoketa shirikamu, orowa, nei utara soyumbare wa ene itak-hi :— Nishpa utara, kashiaobiuki kuni ne nekon a ku ki yak pirika ya?

Orowa, upakashnu chisei pungi anak ne amososo wa an wa upakashnu chisei apaushta makke wa an shiri nukara chiki, apakashnu utara kira wa isam kuni ramu gusu, koro rangetam etaye hine yairaige etokooiki ruwe ne. Koroka, Pauros anak ne rui hau ani hawe ashte wa ene itak-hi :— Iteki yaiewende yan: chi utara obitta teda okai ruwe ne gusu ne na, ari itak.