ខគម្ពីរពេញនិយមពី II Korintos 1

ចែក​រំលែក

Chikoro Utarapa ne Yesu Kiristo koro Kamui newa Michi, rampoken newa obitta no okai omaoma ambe koro Michihi airamye an na; ani chi utara Kamui orowa no aomaoma an nunuke ambe ari, nep aeramchuptek utara chi omaoma eashkai kuni ne, nep aeramchuptekbe chi ki a yakka Shinuma un omaoma ruwe ne.

Inambe gusu ne yakun, Kiristo ki aeyairamshitnere ambe un gusu nuye an no an korachi, tambe nei no chi ki omaoma ambe poka Kiristo gusu nuye an no an ruwe ne gusu na.

ruwe un, chi utara yaikota yai-oshiketa rai kuni aesanniyo-hi an a an, tambe anak chi utara yaiotta yaiekopashte shomoki no, rai guru hetopo-shiknure Kamui eyaikopashte ash kuni gusu ne ambe ne

Orosama, echi utara tura no Kiristo gusu un roshkire hemhem ki, un kashiota hemhem ki guru anak ne Kamui ne ruwe ne; Shinuma anak ne un otta han omare, aine, chikoro sambe oshiketa Ramat emkoso kore nisa ruwe ne.

Koroka, chi utara anak ne aeramchuptekka chiki echi aomaoma kuni gusu hene echi kashiaobiuki kuni gusu hene an ambe ne; shui, chi utara aomaoma an chiki, nei ambe anak chi utara poka iki ukorachi an aeramchuptekbe echi ramu-shiroma no eyaishipororere kuni gusu an omaoma ambe ne ruwe ne gusu ne na