ខគម្ពីរពេញនិយមពី Injil 6: Ruman 8

ចែក​រំលែក

Amra zani, Allare zera mohobbot ḳoroin, mani Allae tan nizor morzi mafik zerare daot disoin, tarar balair lagi hoḳoltae eḳloge ḳam ḳorer.

Te ami ikan balamonte-u zani, zindegi ba mout, firista ba Iblisor kunu sela, oḳon ba bobishotor kunutae-u, kunu laḳan shoktie-u, asmanor ba fatalor ba foyda oa kunu zinishe-u amrare Allar mohobbot taki alog korto farto nae. Tan ou mohobbot to amrar Malik Isa al-Mosir usillae faisi.

Ita saṛa amrar ḳomzurir shomoy to Pak Ruhe amrare shaijjo ḳoroin. Dua ḳorar ḳalo amra kita saitam, ita to amra zani na. Oile mukdi zeta ḳoar shaiddo nai, dilor ḳandonor loge Pak Ruhe nize-u amrar fokko oia, itar lagi minoti koroin.

Oḳon ita befare amra kita ḳoitam? Shoyong Alla Pak zebla amrar fokke, te amrar bifokke ḳegu lagto?

Te ou talim taki amra buzi, Isa al-Mosir zera afon zon boni gesoin, oḳon tarare ar dushi shaibosto ḳora oito nae.

Shorilor bod ḳaish ze ḳamor kiali, itar fol oilo moron, oile Pak Ruhur kiale solar fol oilo zindegi ar shanti.

Na, ila kunta-u nai. Ḳaron ze Isae amrare oto mohobbot ḳorsoin, tan bole amra ita hoḳoltat-u furafur joyi oiar.

Baiainre, amra bade ze mohima faimu, itar tulonae oḳonkur i duk-koshṭo kunta-u nae, ita to ami zani.

Erlagi ila kunu zinish ase ni, zetae amrare al-Mosir mohobbot taki alog korto? Zulum-nirjaton, zala-zontrona, monor ḳoshṭo, ḳaoa-findar obab, bifod-afod ba dushmonor toluar?

Ḳaron zein manshor dilor tallash ḳoroin, tain to Pak Ruhur ḳota-o buzoin. Pak Ruhe Allar morzi mafik tan pak bonda oḳlor lagi minoti koroin.

Ḳaron Allar ruhur bole zera sole, tara-u Allar aolad.

Shorilor bod ḳaishor aotae zeta manush soloin, tarar mon-o bod ḳaishor bae kiali taḳe, ar zera Pak Ruhur aotae, tarar mon to Pak Ruhur kushi mafik solte kiali roy.

Amra hoḳolre basanir lagi, Allae zebla tan ḳas mayar zon Ibnullare bilai dite-o naraz oila na, tanre moutor ato shofi dila, te ou mayar zonor loge hoḳolta-u amrare dan ḳorta nae ni?

Amrar dilor mazor Allai Pak Ruhe-o ola shakki dia ḳoira, amra Allar aolad. Amra zebla aolad, te amra mouroshi baṭ faimu. Al-Mosie Allar ges taki mouroshi baṭ faiba, ar tan loge amra-o faimu. Ḳali amra tan loge duk-koshṭo shoijjo ḳorle, tan loge gourob-mohimar-o bag faimu.

Ze zonor mon shorilor bod ḳaishor bae kiali, i mon to Allar dushmon, he Allai shoriot mante razi nae, manto fare-o na.

Hou shomoy aile deḳa zaibo ḳe ḳe tan asol aolad, erare deḳar lagi-u Allar foyda ḳora hoḳoltae zane-forane bar saira.

Oḳon forzonto dekiar, hurutta foydar ḳalo maʼe zela buk faṭaia sillain, tan foyda ḳora hoḳoltae-u ola ahazari kori sillaira.