ខគម្ពីរពេញនិយមពី ꠁꠘ꠆ꠎꠤꠟ ২: ꠝꠣꠞ꠆ꠇꠥꠍ 4

ចែក​រំលែក

ꠔꠣꠁꠘ ꠃꠑꠤꠀ ꠔꠥꠚꠣꠘꠞꠦ ꠗꠝꠇ ꠖꠤꠟꠣ ꠀꠞ ꠀꠅꠞꠞꠦ ꠇꠁꠟꠣ, “ꠖꠝ ꠟꠅ, ꠕꠤꠞ ꠅꠅ।” ꠇꠅꠀꠞ ꠟꠉꠦ ꠟꠉꠦ ꠔꠥꠚꠣꠘ ꠛꠘ꠆ꠖ ꠅꠁꠉꠦꠟ, ꠀꠞ ꠢꠇ꠆ꠇꠟꠔꠣ ꠕꠤꠞ ꠅꠁꠟ। ꠛꠣꠖꠦ ꠔꠣꠁꠘ ꠍꠣꠢꠣꠛꠤ ꠅꠇꠟꠞꠦ ꠇꠁꠟꠣ, “ꠔꠥꠝꠞꠣ ꠅꠔ ꠒꠞꠣꠟꠥꠇ ꠇꠦꠘꠦ? ꠔꠥꠝꠞꠣ ꠅꠈꠘꠅ ꠁꠝꠣꠘ ꠀꠘꠍ ꠘꠣ ꠘꠤ?”

ꠁꠔꠣ ꠖꠦꠈꠤꠀ ꠍꠣꠢꠣꠛꠤ ꠅꠇꠟꠦ ꠈꠥꠛ ꠒꠞꠣꠁꠟꠣ, ꠀꠞ ꠄꠇꠦ-ꠅꠁꠘ꠆ꠘꠦ ꠇꠁꠟꠣ, “ꠄꠁꠘ ꠀꠍꠟꠦ ꠇꠦ? ꠙꠣꠘꠤꠄ ꠀꠞ ꠛꠣꠔꠣꠡꠦꠅ ꠖꠦꠈꠤ ꠔꠣꠘ ꠢꠥꠇꠥꠝ ꠝꠣꠘꠦ।”

ꠁꠍꠣ ꠘꠣꠅꠞ ꠈꠞ ꠉꠣꠟꠣꠔ ꠄꠇ ꠛꠣꠟꠤꠡꠅ ꠢꠤꠔꠣꠘ ꠖꠤꠀ ꠊꠥꠝꠅ ꠀꠍꠟꠣ। ꠍꠣꠢꠣꠛꠤ ꠅꠇꠟꠦ ꠔꠣꠘꠞꠦ ꠢꠎꠣꠉ ꠇꠞꠤꠀ ꠇꠁꠟꠣ, “ꠢꠥꠎꠥꠞ, ꠀꠙꠘꠦ ꠈꠤꠀꠟ ꠇꠞꠞꠣ ꠘꠣ ꠘꠤ, ꠀꠝꠞꠣ ꠔ ꠝꠞꠤ ꠎꠣꠁꠀꠞ।”

ꠛꠣꠖꠦ ꠔꠣꠁꠘ ꠇꠁꠟꠣ, “ꠔꠥꠝꠞꠣ ꠈꠤꠀꠟ ꠇꠞꠤꠀ ꠢꠥꠘꠅ, ꠔꠥꠝꠞꠣ ꠎꠦꠟꠣ ꠝꠣꠙꠤꠀ ꠖꠦꠅ, ꠔꠥꠝꠞꠣꠞ ꠟꠣꠉꠤ ꠅꠃꠟꠣ ꠝꠣꠙꠣ ꠅꠁꠛ। ꠗꠞꠤꠟꠣꠅ, ꠔꠥꠝꠞꠣꠞ ꠟꠣꠉꠤ ꠀꠞꠅ ꠛꠦꠡ ꠇꠞꠤ ꠝꠣꠙꠣ ꠅꠁꠛ।

ꠔꠣꠁꠘ ꠀꠞꠇꠛꠣꠞ ꠇꠁꠟꠣ, “ꠢꠥꠘꠅ, ꠀꠟ꠆ꠟꠣꠞ ꠛꠣꠖꠡꠣꠁ ꠅꠁꠟ ꠅꠃ ꠟꠣꠈꠣꠘ। ꠗꠞꠤꠟꠣꠅ, ꠄꠇ ꠉꠤꠞꠡ꠆ꠔꠦ ꠔꠣꠞ ꠎꠝꠤꠘꠅ ꠎꠣꠟꠣ ꠛꠣꠁꠘ ꠇꠞꠟ। ꠛꠣꠖꠦ ꠢꠦ ꠞꠣꠁꠔ ꠅꠁꠟꠦ ꠊꠥꠝꠣꠁꠟ ꠀꠞ ꠖꠤꠘꠞ ꠛꠣꠟꠣ ꠊꠥꠞꠣꠊꠥꠞꠤ ꠇꠞꠟ। ꠅꠁꠟꠦ ꠎꠣꠟꠣ ꠚꠥꠐꠤꠀ ꠇꠦꠝꠘꠦ ꠉꠣꠍ ꠅꠁꠟ, ꠢꠦ ꠔ ꠇꠥꠘ꠆ꠔꠣ ꠎꠣꠘꠦ ꠘꠣ।

ꠢꠥꠘꠣꠞ ꠟꠣꠈ ꠇꠣꠘ ꠎꠣꠞ ꠀꠍꠦ, ꠢꠦ ꠢꠥꠘꠃꠇ।”