ខគម្ពីរពេញនិយមពី ꠔꠃꠞꠣꠔ ১: ꠙꠄꠖꠣ ꠘꠣꠝꠣ 32

ចែក​រំលែក

ꠅꠃ ꠢꠦꠁꠘ ꠇꠁꠟꠣ, “ꠔꠥꠝꠤ ꠀꠟ꠆ꠟꠣ ꠀꠞ ꠝꠣꠘꠡꠞ ꠟꠉꠦ ꠟꠣꠠꠣꠁ ꠇꠞꠤꠀ ꠎꠤꠔꠍ ꠇꠞꠤ, ꠔꠥꠝꠣꠞ ꠘꠣꠝ ꠀꠞ ꠁꠀꠇꠥꠛ ꠞꠁꠔ ꠘꠣꠄ, ꠔꠥꠝꠣꠞ ꠘꠣꠝ ꠅꠁꠟ ꠁꠍꠞꠣꠁꠟ [ꠝꠣꠘꠤ, ꠀꠟ꠆ꠟꠣꠞ ꠟꠉꠦ ꠇꠥꠡ꠆ꠔꠤ ꠇꠞꠞꠣ]।”

ꠢꠦꠡꠦ ꠢꠤ ꠝꠣꠘꠡꠦ ꠇꠁꠟꠣ, “ꠚꠎꠞ ꠅꠁꠎꠣꠞ, ꠅꠈꠘ ꠔꠥꠝꠤ ꠀꠝꠣꠞꠦ ꠍꠣꠠꠤ ꠖꠦꠅ।” ꠁꠀꠇꠥꠛꠦ ꠇꠁꠟꠣ, “ꠀꠙꠘꠦ ꠀꠝꠣꠞꠦ ꠖꠥꠀ ꠘꠣ ꠇꠞꠟꠦ ꠍꠣꠠꠔꠣꠝ ꠘꠣꠄ।”

ꠀꠞ ꠔꠣꠁꠘ ꠄꠇꠟꠣ ꠅꠘꠅ ꠞꠁꠟꠣ, ꠔꠦꠃ ꠉꠣꠁꠛꠤ ꠄꠇꠎꠘ ꠝꠣꠘꠥꠡ ꠀꠁꠀ ꠔꠣꠘ ꠟꠉꠦ ꠞꠣꠁꠔꠜꠞ ꠇꠥꠡ꠆ꠔꠣ-ꠇꠥꠡ꠆ꠔꠤ ꠇꠞꠟꠣ।

ꠅꠃ ꠁꠀꠇꠥꠛꠦ ꠁ ꠎꠣꠉꠣꠞ ꠘꠣꠝ ꠞꠣꠈꠟꠣ ꠙꠘꠥꠄꠟ [ꠝꠣꠘꠤ, ꠀꠟ꠆ꠟꠣꠞ ꠍꠥꠞꠔ]। ꠔꠣꠁꠘ ꠇꠁꠟꠣ, “ꠀꠝꠤ ꠀꠟ꠆ꠟꠣ ꠙꠣꠇꠞꠦ ꠝꠥꠈꠣꠝꠥꠈꠤ ꠖꠦꠈꠤꠀꠅ ꠎꠤꠘ꠆ꠖꠣ ꠞꠁꠍꠤ।”

ꠅꠁꠟꠦ ꠔꠣꠁꠘ ꠁꠀꠇꠥꠛꠞꠦ ꠇꠣꠛꠥ ꠇꠞꠔꠣ ꠘꠣ ꠙꠣꠞꠣꠄ ꠄꠘ ꠃꠞꠣꠔꠞ ꠎꠥꠠꠣꠔ ꠝꠣꠞꠟꠣ ꠀꠞ ꠁꠀꠇꠥꠛꠞ ꠃꠞꠣꠔꠞ ꠀꠠ ꠎꠣꠉꠣ ꠕꠘꠦ ꠒꠥꠟꠤ ꠉꠦꠟ।

ꠢꠤ ꠝꠣꠘꠡꠦ ꠎꠤꠇꠣꠁꠟꠣ, “ꠔꠥꠝꠣꠞ ꠘꠣꠝ ꠇꠤꠔꠣ?” ꠔꠣꠁꠘ ꠇꠁꠟꠣ, “ꠁꠀꠇꠥꠛ।”

ꠁꠀꠇꠥꠛꠦ ꠔꠣꠘꠞꠦ ꠇꠁꠟꠣ, “ꠀꠙꠘꠣꠞ ꠘꠣꠝꠈꠣꠘ ꠇꠤꠔꠣ ꠇꠃꠇ꠆ꠇꠣ।” ꠔꠣꠁꠘ ꠇꠁꠟꠣ, “ꠔꠥꠝꠤ ꠇꠤꠔꠣꠞ ꠟꠣꠉꠤ ꠀꠝꠣꠞ ꠘꠣꠝ ꠎꠤꠇꠣꠁꠞꠣꠄ?” ꠢꠦꠡꠦ ꠔꠣꠁꠘ ꠁꠀꠇꠥꠛꠞꠦ ꠖꠥꠀ ꠇꠞꠟꠣ।

ꠔꠥꠝꠣꠞ ꠁ ꠉꠥꠟꠣꠝꠞ ꠛꠣꠄ ꠎꠦ ꠞꠢꠝ ꠀꠞ ꠁꠝꠣꠘꠖꠣꠞꠤ ꠖꠦꠈꠣꠁꠍ, ꠀꠝꠤ ꠁꠔꠣ ꠇꠥꠘ꠆ꠔꠣꠞꠃ ꠟꠣꠈ ꠘꠣꠄ। ꠀꠝꠤ ꠔ ꠄꠉꠥ ꠟꠣꠑꠤ ꠟꠁꠀ ꠁ ꠎꠞ꠆ꠖꠣꠘ ꠉꠣꠋ ꠙꠣꠞ ꠅꠁꠍꠟꠣꠝ, ꠀꠞ ꠅꠈꠘ ꠖꠥꠁ ꠖꠟ ꠅꠁꠉꠦꠍꠤ।

ꠄꠞꠟꠣꠉꠤ ꠛꠘꠤ ꠁꠍꠞꠣꠁꠟꠦ ꠅꠈꠘꠅ ꠞꠣꠘꠞ ꠎꠥꠠꠣꠞ ꠉꠥꠡ꠆ꠔ ꠈꠣꠁꠘ ꠘꠣ, ꠇꠣꠞꠘ ꠔꠣꠁꠘ ꠃꠞꠣꠔꠞ ꠎꠥꠠꠣꠞ ꠞꠉꠞ ꠝꠣꠎꠦ ꠁꠀꠇꠥꠛꠞꠦ ꠝꠣꠞꠍꠟꠣ।

ꠀꠞ ꠁꠀꠇꠥꠛꠦ ꠖꠥꠀ ꠇꠞꠟꠣ, “ꠅ ꠀꠟ꠆ꠟꠣ, ꠀꠝꠣꠞ ꠖꠣꠖꠣ ꠁꠛ꠆ꠞꠣꠢꠤꠝꠞ ꠝꠣꠛꠥꠖ ꠀꠞ ꠀꠝꠣꠞ ꠛꠣꠚ ꠁꠍꠢꠣꠇꠞ ꠝꠣꠛꠥꠖ, ꠔꠥꠝꠤꠃ ꠀꠝꠣꠞꠦ ꠢꠥꠇꠥꠝ ꠇꠞꠍ ꠎꠦꠘ, ‘ꠔꠥꠝꠣꠞ ꠖꠦꠡꠅ ꠔꠥꠝꠣꠞ ꠘꠤꠎꠞ ꠝꠣꠘꠡꠞ ꠉꠦꠍꠦ ꠚꠤꠞꠤꠀ ꠎꠣꠅ, ꠔꠦꠃ ꠀꠝꠤ ꠔꠥꠝꠣꠞꠦ ꠞꠢꠝ ꠇꠞꠝꠥ।’

ꠝꠣꠛꠥꠖ, ꠀꠝꠤ ꠀꠞꠎ ꠇꠞꠤꠀꠞ, ꠀꠝꠣꠞ ꠜꠣꠁ ꠁꠡʼꠞ ꠀꠔ ꠕꠘꠦ ꠀꠝꠣꠞꠦ ꠛꠣꠌꠣꠅ। ꠀꠝꠣꠞ ꠒꠞ ꠇꠞꠦꠞ, ꠢꠦ ꠀꠁꠀ ꠛꠃ ꠙꠥꠀ-ꠙꠥꠠꠤꠞ ꠟꠉꠦ ꠀꠝꠣꠞꠦꠅ ꠈꠥꠘ ꠇꠞꠛ।