ខគម្ពីរពេញនិយមពី ꠁꠘ꠆ꠎꠤꠟ ৭: ১-ꠇꠞꠤꠘ꠆ꠔꠤꠀ 11

ចែក​រំលែក

ꠅꠟꠣ ꠈꠣꠅꠀꠞ ꠛꠣꠖꠦ ꠔꠣꠁꠘ ꠡꠞꠛꠔꠞ ꠙꠤꠀꠟꠣ ꠟꠁꠀ ꠇꠁꠟꠣ, “ꠀꠝꠣꠞ ꠟꠃꠞ ꠎꠞꠤꠀꠄ ꠀꠟ꠆ꠟꠣꠞ ꠟꠉꠦ ꠝꠤꠟꠘꠞ ꠎꠦ ꠘꠄꠀ ꠃꠍꠤꠟ꠆ꠟꠣ ꠇꠣꠁꠝ ꠅꠁꠛ, ꠅꠃ ꠙꠤꠀꠟꠣ ꠅꠁꠟ ꠄꠞ ꠘꠤꠡꠣꠘꠣ। ꠔꠥꠝꠞꠣ ꠅꠃ ꠙꠤꠀꠟꠣ ꠕꠣꠇꠤ ꠈꠣꠅꠀꠞ ꠡꠝꠄ ꠀꠝꠣꠞꠦ ꠁꠀꠖ ꠇꠞꠣꠞ ꠟꠣꠉꠤ ꠢꠣꠝꠦꠡꠣ ꠅꠟꠣ ꠇꠞꠤꠅ।” ꠔꠦ ꠔꠥꠝꠞꠣ ꠎꠔꠛꠣꠞ ꠅꠃ ꠞꠥꠐꠤ ꠈꠣꠁꠛꠣꠄ ꠀꠞ ꠅꠃ ꠙꠤꠀꠟꠣꠞ ꠡꠞꠛꠔ ꠈꠣꠁꠛꠣꠄ, ꠝꠣꠟꠤꠇ ꠁꠍꠣ ꠢꠤꠞꠛꠣꠞ ꠘꠣ ꠀꠅꠀ ꠙꠞ꠆ꠎꠘ꠆ꠔ ꠅꠔꠛꠣꠞꠃ ꠔꠣꠘ ꠝꠃꠔꠞ ꠇꠕꠣ ꠄꠟꠣꠘ ꠇꠞꠞꠣꠄ।

ꠀꠍꠟꠦ ꠀꠝꠤ ꠝꠣꠟꠤꠇ ꠁꠍꠣꠞ ꠉꠦꠍ ꠕꠣꠇꠤ ꠎꠦ ꠔꠣꠟꠤꠝ ꠙꠣꠁꠍꠤ, ꠅꠃ ꠔꠣꠟꠤꠝꠃ ꠀꠝꠤ ꠔꠥꠝꠞꠣꠞꠦ ꠖꠤꠍꠤ। ꠝꠣꠟꠤꠇ ꠁꠍꠣꠞꠦ ꠎꠦ ꠞꠣꠁꠔ ꠖꠥꠡꠝꠘꠞ ꠀꠔꠅ ꠗꠞꠣꠁ ꠖꠦꠅꠀ ꠅꠁꠍꠤꠟ, ꠢꠃ ꠞꠣꠁꠔ ꠔꠣꠁꠘ ꠈꠣꠘꠤꠞ ꠞꠥꠐꠤ ꠀꠔꠅ ꠟꠁꠟꠣ, ꠀꠞ ꠀꠟ꠆ꠟꠣꠞ ꠡꠥꠇꠞꠤꠀ ꠀꠖꠣꠄ ꠇꠞꠟꠣ, ꠛꠣꠖꠦ ꠅꠃ ꠞꠥꠐꠤ ꠐꠥꠇꠞꠣꠁꠀ ꠇꠁꠟꠣ, “ꠁꠔꠣ ꠔ ꠀꠝꠣꠞ ꠡꠞꠤꠟ, ꠅꠃ ꠡꠞꠤꠟ ꠔꠥꠝꠞꠣꠞ ꠟꠣꠉꠤ ꠛꠤꠟꠣꠁ ꠖꠦꠅꠀ ꠅꠞ, ꠔꠦ ꠀꠝꠣꠞꠦ ꠝꠘꠅ ꠞꠣꠈꠣꠞ ꠟꠣꠉꠤ ꠅꠃꠟꠣ ꠇꠞꠤꠅ।”

ꠅꠃ ꠞꠥꠐꠤ ꠈꠣꠁꠛꠣꠞ ꠀꠉꠦ ꠀꠞ ꠙꠤꠀꠟꠣꠞ ꠡꠞꠛꠔ ꠈꠣꠁꠛꠣꠞ ꠀꠉꠦ, ꠝꠣꠘꠡꠦ ꠘꠤꠎꠞꠦ ꠎꠣꠌꠣꠁ ꠇꠞꠤ ꠖꠦꠈꠃꠇ। ꠇꠣꠞꠘ ꠁꠔꠣ ꠈꠣꠅꠀꠞ ꠡꠝꠄ ꠢꠦ ꠎꠥꠖꠤ ꠝꠣꠟꠤꠇ ꠁꠍꠣꠞ ꠡꠞꠤꠟꠞ ꠛꠦꠙꠣꠞꠦ ꠘꠣ ꠛꠥꠎꠦ, ꠔꠦ ꠁꠔꠣ ꠈꠣꠁꠀ ꠢꠦ ꠘꠤꠎꠞ ꠃꠙꠞꠦ ꠉꠎꠛ ꠒꠣꠇꠤꠀ ꠀꠘꠦ।

ꠄꠞꠟꠣꠉꠤ ꠈꠣꠝ-ꠈꠦꠀꠟꠤ ꠇꠞꠤꠀ ꠇꠦꠃ ꠎꠥꠖꠤ ꠁ ꠞꠥꠐꠤ ꠈꠣꠄ ꠀꠞ ꠙꠤꠀꠟꠣꠞ ꠡꠞꠛꠔ ꠈꠣꠄ, ꠔꠦ ꠢꠦ ꠝꠣꠟꠤꠇ ꠁꠍꠣꠞ ꠡꠞꠤꠟ ꠀꠞ ꠟꠃꠞ ꠛꠤꠞꠥꠖ꠆ꠖꠦ ꠉꠥꠘꠣ ꠇꠞꠤꠀ ꠖꠥꠡꠤ ꠛꠘꠤꠎꠣꠄ।

ꠔꠦ ꠀꠝꠤ ꠎꠦꠟꠣ ꠀꠟ-ꠝꠍꠤꠞ ꠟꠣꠈꠣꠘ ꠌꠟꠤꠀꠞ, ꠔꠥꠝꠞꠣꠅ ꠅꠃꠟꠣ ꠀꠝꠣꠞ ꠟꠣꠈꠣꠘ ꠌꠟꠅ।