ខគម្ពីរពេញនិយមពី MARK 13

ចែក​រំលែក

Kumna nangniw ta azanc zaeng rui meic guayna rui karaeng puni. Tiki khaengv suakpui mei ta tei kanlou puni.

Suriak thay o, ntak nrak bam o. Mi ganv tei tabui nungc guang puni cho twmei nangniw thay mak ge.

Kumna kaniw rui nangniw ta nymna latzan kai khou zay guang pwkhou tabui lat sa nina cho twna lungh ryanra rey bam nangh e. Kadyng kadyng khou tiiloumei tei nangniw sa o. Kalam thu sa nimei hei nangniw hamh e, Bumaengh Nthanmei rui sa puni de.

Tingpuk kandih thu maan kan ni de, tiki alat thu maan dat lak khe.

“Mi tingmik khatni kaganv tei thu meic gaanv khat na sini thay mak ge; Pu na hamhna tingkauh thangc bammei kauh baanchara guay ni, Nah Mpouh ni thay mak ge.

Rih adowpui khwan khatni rih adow bampui chamv mpeyna chu thau pwkhou nangniw kaluang riu. Hei tei pat mak nuh makna pat puni the. Tiki hei tei kandih luai nimei thu hamh e.

Hei zaeng rui, nangniw chamdaanv bam o; kalam thu kai kaipouc guang nimei tei zingbangc ny, zipchwng ny, nruay khuangh khou ny, hamh e thei khwanzingh ny nangniw thay mak ge. Mi kumh mak ge thei, nangniw zip bam khou thay mak liangna guang nangc timc e. Ai rui nangniw khou samei hei meic guayna khou sa tuang e: Nangniw nkhwanna bam o.”

Kalam thu zaatc akhat rui zaatc akhat ta khatni guanghdic akhat rui guanghdic akhat ta zauczih thau puni. Kabamv mpeyna khou baengla zay puni, nap nkow puni. Mi hei narui thaumei e.

Kumna gaychamv hei zaatc guayna khou dinc liklou rey puni.

Meic mpeyna azanc khou guangna, ‘Ai hei Khrista the,’ twna sana meic mpeyna ta zay mbiangh puni.

“Nangniw rana nangniw khang suriak thay o: Nangniw ta latzan kai khou zaylou puni khatni sinagog khou bai puni. Azaeng rui nangniw dihsinpouc nunc khatni guangh nunc hu khou kaniw khou sakhi tii khang ding puni.

Nuh e thei, kapahloumei nunc ta zay mbiangh khang guatmei Khrista khatni guatmei muhzwng nunc guangna sw-nchinmei khatni charynmei taanv mpeyna taanc puni.

“Tiki ryanra ryanriumei tangv tei, neihmik zingc puni, bw ni kariw gaanh mak puni, tingpuk thangc rui gaanchuangcna guay taek key puni, kumna tingpuk khou nai bammei pumtan guay ti hei kanuk puni.