ខគម្ពីរពេញនិយមពី TATPATMEI 15

ចែក​រំលែក

RINGHPOUC rui sa the, “RINGHPOUC nangniw Racguangc khwan tei nking chuyna kamik zuat khou nchumhmei tei taancna, kalatdanv guay tei nangniw lunghlouna piu e thei, ai rui Izipmei nunc khou tiguang kanmei riapkanmei akhat na tei sini nangniw khou tiguang lak ge, kalam thu ai hei nangniw ta tigayloumei RINGHPOUC e.”

RINGHPOUC hei apumtan khatni alu the; kamei hei ata kanloumeipu e. Kamei hei aRacguangc e, kumna ai rui kata thuanc ni, kamei hei apu apouc Racguangc e, kumna ai kahym ta suan kauh ni.

“He RINGHPOUC, rav pang khou tabui rav tei nang kumhmei naina cho, nthanmei khou charynmeipu? thow tei rui nang kumcna charynmei khatni taanv daihmei hei taanc ngam cho?

Nang rui thuakloumei nunc ta nang tuang taek makmei ramzian rui zaylou the, nang tuang pumtan rui nthanmei kai khou zaylou the.

Hei tangv kaniw tei Mara twna kawmei bamv khou guang the, mi khou tei naimei dui tei nkhuc tina kaniw zangv nuh mak khe. Kum tina kaniw rui mi bamv ta tei Mara twna kaw the. “Aniu tabui tuang zangv nina cho?” twna kaniw rui Mousi khou nutna sa the. Mousi rui Ravguangc khou huayney ranvna huayney pwkhou, RINGHPOUC rui kakhou thingchiang akhat lyanlou the. Kamei rui hei tei dui khou tei phaiclou pwkhou mi dui tei zangv nuh dat the. Hei khou tei RINGHPOUC rui kaniw lungc nipui riak kaniw khang tiilou the, khatni kaniw ta nchanv the.