ខគម្ពីរពេញនិយមពី GENESIS 35

ចែក​រំលែក

Pathian mah in akiang ah, “Kei Pathian Bangkim hihthei ka hi. Chi tampi suang in hong pung in. Nam, chih tham ngial leh nam tuamtuam omkhawmte leng nang ah ahong om ding ua, na khal a kipan kumpipate leng ahong pawt ding uhi. Abraham leh Isak kiang a ka gam piak na kiang ah ka hon pe ding. Na om louh nung chiang in na suante kiang ah leng gam ka pe zel ding,” achi hi.

I thou ding ua, Bethel ah i paitou ding uh. Ka lungzin lai a hon dawng, ka paina a ka kiang a om zel Pathian a ding in maitam ka doh ding,” achi hi.

Pathian in akiang ah, “Na min Jakob ahi a; na min Jakob ahi nawn kei ding a, na min Israel ahi zawta ding,” achi hi. Huchi in amin Israel asata hi.

Jakob in a-inkuanpihte leh akiang a om tengteng kiang ah, “Na lak ua om gamdang pathiante koihmang unla, kihihsiangthou unla, na puansilhte uh kheng un.

Huan Pathian in Jakob kiang ah, “Thou inla, Bethel ah hohtou in, huai ah teng in. Na u Esau a kipan na taimang lai a, na kiang a kilak Pathian a ding in huai mun ah maitam doh in,” achi hi.

Huan hichi ahong hi a, alaitah ding kuan in, (amah lah si dek ahi ngal a), amin Ben-oni asa a; himahleh apa'n Benjamin asa hi.