ខគម្ពីរពេញនិយមពី GENESIS 17

ចែក​រំលែក

Abram kum sawmkua-le-kua a upa ahih in, Abram kiang ah TOUPA akilak a, akiang ah, “Kei Pathian Bangkim hihthei ka hi; ka ma ah pai inla, hoihkim in om in.

Na min leng Abram ahi nawnta kei ding a, na min Abraham ahi zawta ding; nam tampite' Pa ding a ka hon bawl tak ziak in.

“Kei leh nang leh na suante, suan sawnsawnte tan in leng ka thukhun nang a ding leh na nung a na suante a ding a, a Pathian uh hi ding in, tangtawn thukhun ding in ka hihkip ding hi.

“Ngai in, ke'n zaw, na kiang ah ka thukhun ahi ka khun, nam tampite' Pa na hita ding.

Pathian in, “Hilou e, na zi Sarah in tapa ahon neihsak taktak ding a; amin Isak na sak ding ahi. Ka thukhun, anung a asuante a ding in tangtawn thukhun ding in akiang ah ka hihkip ding.

Na kiang ah leh na nung a na suante kiang ah mikhual na hihna gam, Kanaan gam tengteng, tangtawn gou ding un ka hon pe ding, kei a Pathian uh ka hi ding,” achi hi.

Abraham abokkhup a, anui a, alungsim in mi kum za a upa in ta anei ding maw? Sarah kum sawmkua a upa in ta anei ding maw? achi hi.

Pathian mah in, Abraham kiang ah, “Na zi Sarai, amin Sarai na chi nawnta kei ding a, amin Sarah ahi zawta ding hi.

Na zekvun sa uh na sum ding ua, huai tuh nang toh i kal a thukhun chiamtehna ahi ding hi.

Himahleh ka thukhun, Sarah in kum nawn hichi hun a ahon neihsak ding Isak kiang ah ahi ka hihkip ding,” achi hi.

Na lak ua kuapeuh ni giat a upa, na suan sawnsawn tan un leng, na suan hi chitchiat lou leng na inn a piang hiam, mikhual kuapeuh a kipan dangka sum a na lei hiam leng, pasal peuhmah zek sum ding ahi. Na inn a piang leh na dangka sum a na leite leng zeksum ngeingei ding ahi. Ka thukhun tangtawn thukhun ding in na sa ah a-omta ding hi.