ខគម្ពីរពេញនិយមពី मत्तायोस 23

ចែក​រំលែក

नॆ निम्‍है ती कोहाँ मना बेद्दोर आस निंग्‍है जॊंख़ मन्‍दस नेकअन।

एन्‍देरगेका नॆ तमन कोहाँ ननो आर सन्नी नन्‍तार'ओर अरा नॆ तमन सन्नी ननो आर कोहाँ नन्‍तार'ओर।

अना उतुरमाड़ू नॆग सिखाब'ऊ अरा फरिसीरो, ओहरे निमा। नीम फुदेना, सौंप अरा जीरा ही गा दसवान्‍स चि'अदर। लिकिन नीम नॆग ही मुद्ध कत्‍था नेंवई, सोग्‍गे, पत्त'अना गुट्ठिन अम्‍बका चिच्कादर। इबड़न गा नन्ना र'ई अरा अबड़न अम्‍बना मल रहचा।

अना उतुरमाड़ू नॆग सिखाब'ऊ अरा फरिसीरो, ओहरे निमा। नीम मौनी दरा छिपन बहरी बहरी मंजदर, लिकिन निम्‍है भितरी चिबाख़ारना अरा लोभ निंदकी र'ई।

अना येरुसलॆम ता आलारो, नीम धर्मेसी कत्‍था तिंगुरिन पिटकर अरा नॆकन निम्है गुसन ऎन त‍इरकन आरिन पखना ल'अदर ती पिटदर। ढ़ॆर हॆल धर्मेस बिद्दयस का ख़ॆर तंग्‍है ख़द्दन डेना किइय्या ख़िवड़'ई, अन्नेम धर्मेस हूँ निम्है ख़द्दारिन ख़ेवड़'ओस, लिकिन नीम एन्ने नना मल चिच्‍चकर।

एन्नेम नीम आलर गे उजगो ऎथ्रदर, लिकिन जिया भितरी उतुरमाड़ना अरा नॆग टांड़ना निंदकी र'ई।