ខគម្ពីរពេញនិយមពី THILTHAWHAI 2

ចែក​រំលែក

Peter chun an kuomah, “In suolhai ngaidamna dingin, sim unla, Isu Krista hmingin baptisma chang seng ro; chuongchun, Thlarau Inthieng pêk hi hmûng in tih.

Chun, tirkohai inchûktirin, in- pâwlin, bei khawiin, ṭawngṭaiin ṭhahnemngaitakin an um zing a.

Chun, an chungah a chuong seng a, an rêngin Thlarau Inthiengin an sip ta vawng a, Thlarauin ân ṭawngtir ang peiin ṭawng danghaiin an lo ṭawng tah a.

Chun, kârloin vâna inthawkin ri thlipui hrâng angin a hung tlung ta phut a. Chu chun an ṭhungna in chu a suksip ta vawng a. Chun, leihai ama le ama insemin, mei angin an kuomah a hung inlâr ta a. Chun, an chungah a chuong seng a, an rêngin Thlarau Inthiengin an sip ta vawng a, Thlarauin ân ṭawngtir ang peiin ṭawng danghaiin an lo ṭawng tah a.

Ni tin lungril hmunkhatin Pathien biekina chun ṭhahnem- ngaitakin an um hlak a, an in tieng khawm bei an khawi a, hlimtak le lungawitakin bu an fâk hlak a. Pathien an inpâk a, mi po po lâwmzâwngin an um hlak. Chun, sandama hung um pei taphawthai chu, Lalpain ni tin an kuomah ân ṭhangsatir pei hlak.

Pathienin, ‘Ni nuhnungahai chun hieng hi nîng a ta, Mi po po chungah ka Thlarau buok ka ta; Chuongchun, in naupahai, in naunuhaiin ka thu hril an tih; In tlangvâlhaiin inlârnahai hmûng an ta, In tarhaiin mangah mang an ta

Chun, a ring taphawt chun iengkim an inṭâwm a, an thil neihai, an thuom- hnawhai an zawr a, an mamaw dai tâwk seng chauin an rênga kuoma chun an sem hlak.

Chun, hieng hi nîng a ta, Tûkhawm Lalpa hming lam taphawt chu sandaminum an tih,’ a tih, a ti kha.

Nisa inthimin inchang a ta, Thla thisenin inchang a ta, Lalpa ni ropuitak le hminginthangtak chu A hung tlung hma chun