ខគម្ពីរពេញនិយមពី Marka 16

ចែក​រំលែក

Isu ma äni ce tea “Nang ce lä älawngpre qütä-a ly kha khimi angxynlyng na tea Angthang Kähawi thui ö.

Yng saite khimi na lä cangxei saite kamarae na mätü haw ö ai. Äni ce lä kai üng ämüng thui kha angra na bung mätho ö vi ai. Äni ce lä älo kangthae na aepe ö vi ai. Äni ce lä bärui na bung süng ngaila sy, dü hai saite aesi nei ö te läsy, äni ce tea lä äte käsi la tyng haw y lyng. Känaw käsaw awng saite khimi na qawng-a äni ce üng äkö na thyng kha känaw käsaw na lä hawi ö vi ai” näkha näpa.

Yng kha baptismae la saite khimi qütä bung lä Säthaw ma aeqang vi ai. Yng y saite khimi qütä tea lä Säthaw ma dungtäsa dengpy vi ai.

Tupyng-a äkähui na lä mityng qütä-a ly kha Angthang Kähawi na thui ö dy. Areng lä äni ce hai mangtä awng pa te vi. Tukha äni ce thui ö saite älo na tüng te phüng mätü hethang tähang-a äni ce tea kamarae na sa hethang haidae na py pa vi dy.

Honi lawngtä ma äni ce tea “Aethüng ö hang. Nang ce lä thinglang qawng-a täheng kha bädü saite Nazare märü üng Isu bung mäqang ö te kai lä mäny dy. Äni lä hini mityng-a awng y dy. Kädü thung üng Säthaw ma äni bung mätha haile tyng pa pyng vi dy. Hini mityng lä äni üng äro bung bäsawng saite mityng kae ecy.

Lolang-a äni ce lä “Täprawng khaw üng kälung tea lä mä-ai tähang ämi ma käsü pa ai mei” näkha äma ce tingtawi aethui ö dy. Tupyng-a äni ce kheng ea lä tengxyng y leng saite kälung käleng lä aethuija te nung ö dy. Tudylä äni ce lä täprawng thung-a kung ea lä bangtang mang-a caiping te kä-o kanglung hai aelawng saite särai lawngtä aety te tea nung ö pa vi. Tukätephüng-a äni ce lä aethüng ö dy.