ខគម្ពីរពេញនិយមពី Luka 9

ចែក​រំលែក

Tupyng-a äni ce angxynlyng tea “Khimi lawngtä lä kai leithung hui hethang ngai dylä äma üng kängai sai na khaisö he kae. Äni lä kätü qütä dü hethang awng rüng kha äma üng thinglawng aepö kha kai leithung hui he kae.

Khimi lawngtä lä äma üng hing saite tea aeqang he ngai dylä honi khimi lä dungtäsa hing te dang haw y lyng. Tungaila kai phüng-a dü hethang awng rüng saite lä dungtäsa hing te dang ai.

Isu ma “Ämi la laithawng nae-a süng kha leithung mang-a aehawi saite khimi lä Säthaw üng pre-a kälu sa hethang aeteng y lyng” näpa.

Khimi lawngtä lä älawngpre angxynlyng na tea pyng ea mäteng ma dungtäsa hing te dang y dylä tähang si te kae dy.

Khimi lawngtä lä kai hai kai üng älo phüng-a aejae dylä Kai, Khimi üng Cäpaw, lä kai ma üng phung-ang hai Üngai üng phung-ang hai Säthaw üng angtawtha käcai na hai ly te kätü-a hini khimi phüng-a aejae vi ai.

Isu ma “Kivae na lä äkhaw awng. Tävaw na lä täbö awng. Tungaila Kai, Khimi üng Cäpaw, lä älö qu nae mäteng awng te y vi” näkha näpa.

Tupyng-a Isu ma äkähui na tea “Kai üng ämüng hai-a hini nade bung lady saite khimi lä kai bung lady te kae dy. Kai tea lady saite khimi lä kai bung mätaw saite Säthaw tea lady te by dy. Nang ce thung-a kaenengky saite na lä Säthaw ma kaesangky-a aedawng hai vi ai” näkha näpa.