ខគម្ពីរពេញនិយមពី SNM 2

ចែក​រំលែក

Piyer a mbəɗdatara, a ləvtar: «Mbəɗdamara menjey akwar, səpmara Gazlavay ta mevel pal. Cacəfɗam *baptem ta mezəley ŋga Yesu Kəriste, amba Gazlavay a mbəkdakwara mebərey akwar. Anda keɗe, Gazlavay a vəlkwar Mesəfney aŋga la.

Mandaw mandaw ndəhay ma təɓa mey ŋga Yesu fa jəkam sləmay fa meesərkedey ŋga ndəhay aŋga hay meslərey ta mevel pal, a njam macəmkaya pal anda məlmaŋ hay, fa wunam peŋ ŋga sərfedey meməcey ŋga Yesu, fa dəram daŋgay a Gazlavay daa slam a.

Ata tabiya marəhtakaya ta *Mesəfney ŋga Gazlavay. A zlamar meeguzley ta mey hay mekele mekele masa ata ma sərmara ba, anda Mesəfney a ma vəldatara ŋgaa guzley.

Wure wure ŋgene, a cəndamara cek ma kawa ta da vaɗ anda memeɗ maa bərey. Cek aha a rəhda way masa ata manjatakaya da hwaɗ a heyey. A hətam cek anda neneh hay ŋga awaw ma gəɗey. Neneh hay a, a wunkam, a njam a ray ata pal pal tabiya. Ata tabiya marəhtakaya ta *Mesəfney ŋga Gazlavay. A zlamar meeguzley ta mey hay mekele mekele masa ata ma sərmara ba, anda Mesəfney a ma vəldatara ŋgaa guzley.

Mandaw mandaw fa kusam aa *Way-mekey-kwakwas ŋga Gazlavay ta mevel pal. Da way ata hay na, a zəmam ɗaf daa slam a ta meesəmey, ta mevel maaya. Ata fa həlmamara Gazlavay. Ndəhay tabiya aa həmdamata. Mandaw mandaw Bay Mahura fa zəlwa ndəhay mekele mekele masa ma ləham sem daa mebərey ŋgadaa dey ata.

“Gazlavay a ləvey, Ta pas masa bəla gweegwe cay a ndəvey na, ya vəltar Mesəfney aɗaw la a ndəhay tabiya. Da ray ŋgene, bəz akwar hay mezəle ta dam akwar hay, a təram la ŋga ndəhay ma təla mey aɗaw hay. Gula akwar hay na, ya da wuztar cek hay mawiya masa Yah ma da kata. Maraw hay da wuzlah akwar may, mesəfney a katar la amba ya wuztar cek hay.

Ndəhay ma təɓa mey ŋga Yesu na, macəmkaya ɗay letek, a wunkamara zleley ata hay da wuzlah ata. Anda meləvey, a həɗkadamata ley ata hay ta cek ata hay, a wunkamara dala ha da wuzlah ata tabiya. Kwa waawa a hətey cek masa təɗe ŋga wusa.

Anda keɗe, kwa waawa maa cəfɗa Bay Mahura ŋga ləhda na, Bay Mahura a ləhda la.”»

Pas fa da weɗey daa saba, kiya a da mbəɗey magaza anda mambaz. Fa dəɓa ha, Bay Mahura a vəhwa la amba a key sariya da bəla. Ta pas a ŋgene, ndəhay a hətmar gədaŋ aŋga la, a da sərmara pas a ara pas mahura ma fəna siya hay.