ខគម្ពីរពេញនិយមពី MAAKI 13

ចែក​រំលែក

Ba zaa nin yaai ya man yuuri zugu, amaa sɔ kam zaa ŋɔn nin kpaŋŋi u maŋŋa m‑bari n‑zaani halli nti paai yɛla wa tariga maa nin nya tiliginsim.

Dizugu ya gura, yan di gbisira, dama ya bu mi di saha maa.

Ba yi ti mari ya n‑yi sariya karibu ziiya, yan di daŋŋi n‑fabinni yan nin tɔ'asi yɛttɔ'aseesi zugu: ya tɔ'asim yɛttɔ'aseesi an bɛ ya sufu ni di saha maa, dama di pa yarima n ya n‑tɔ'asi amaa Naawunni Sii Kasi maa nin tɔ'asi.

Saazugu ni tingbaŋŋu nin gaari, amaa man yɛttɔ'a wa ku gaari.”

Ni, “Amaa di daari maa, bee di saha, ŋɔn ya paai sahanseaa la ka sɔsɔ bu mi deede, halli malaakadima ban bɛ arizana ni la bu mi, Naawunni Bii maa gba bu mi, na'ala ti Ba maa mi.

Ya yi ti wumni tɔppu damni, bee di lahabaya, yan di kyɛ ka yam-ŋmaa gbaai ya, dama lala nin niŋi pɔi, amaa pa naari maa nla.

Dizugu ya gura suŋŋa, dama ya bu mi yiri maa daana lappu saha na - ammi, zaanoori, bee yuntasuusi, bee bɛkasigri, bee asuba? Ya sɛ'asima, ka di kyɛ ka u paai na n‑libgi ya ka ya na gbisira. Ka man yɛtti yarima seem wa, n yɛtti la sɔkam zaa, ni, ya sɛ'asima n‑gura.”

Tinsi dima nin yisigi n‑tuusi taaba tɔppu, ni nadima gba nin tuusi taaba. Tingbaŋŋu maa nin damni kpa, ni kpa, ni kpa sa; ka kɔm nin ti lu; amaa anŋɔ zaa ti ya bɛ ni hoo pɔ'apudaana wɔlisigu piiligu beerim ŋɔn bɛ seem la.

See ka lahabasuŋŋu maa daŋŋi m‑paai tinsi kam zaasa.

Niriba pam nin zaŋŋi n yuuri n‑kyɛ na, ni, ‘Mani nla!’ ka ba nin yɔmsi niriba pam m‑basi.

Amaa ya gbaam ya mansi, dama ba nin ti mari ya n‑niŋi kootu dima nuu ni, ba nin ti bu ya la'aŋŋu duri ni, ka ba nin kari ya sariya gɔmnadima ni nadima tooni. Di zaa nin niŋi man zugu, ka lala nin kyɛ ka ba baŋŋi suŋŋa.

Seeba nin ti doaai na m‑ma'ari ziri, ni, ban n nyɛ Masiiya, bee, ni, ban n nyɛ anabidima; ba nin tum alahazibu tuma ni ba ti yɔmsi niriba m‑basi, halli ni Naawunni ŋɔn yiisi seeba la gba, amaa Naawunni ku sakki lala.

Ka u daa laa n‑yɛli ba, ni, “Amaa di saha, wahala maa nyaaŋŋa, ni#:- ‘Wuntaŋŋa nin ti zibgi zimm! Ka namboaa ku laa m‑pɛligi: Saŋmariwuusi nin ti yiiri saazugu n‑luri na, Ka arizana yiikodaandima zaa nin damna.’