ខគម្ពីរពេញនិយមពី Ɔrɔ 14

ចែក​រំលែក

Bari Ala ka masaya te dumuni, walima minnifɛn koo ye, nga tilenninya ni hɛrɛ ani nisɔndiya koo lo Nii Senuman barika la. Bari mɔgɔ min be baara kɛ Krista ye ten, o tigi le koo ka di Ala ye, mɔgɔw fana b'a tɔgɔɲuman fɔ.

An be sii la wo, an be yen Matigi le kosɔn, n'an sara wo, an sara Matigi le kosɔn. O la, an tora sii la wo, an sara fana wo, an ye Matigi ta ye.

O la sa, an ka banba ka to hɛrɛ la ɲɔgɔn fɛ ani ka ɲɔgɔn dɛmɛ ka barika sɔrɔ Krista ka sira la.

O la, an ka ɲɔgɔn jalakiko dabila sa. Aw k'aw yɛrɛ kɔlɔsi aw kana kɛ sababujugu ye aw balima dɔ ma.

Bari a fɔra Ala ka kuma na ko: «Ne Matigi ɲanaman lo, mɔgɔ bɛɛ ben'a kunbiri gwan ne ɲakɔrɔ, ani mɔgɔ bɛɛ bena Ala tanu.» O cogo la, an kelen kelen bɛɛ bena lɔ n'an kunko ye Ala ɲakɔrɔ.

Mɔgɔ min barika ka dɔgɔ Krista ka sira la, aw k'ale minɛ ka ɲa, aw kana to a kɔrɔfɔli la.

E min be mɔgɔ wɛrɛ ka baaraden jalaki, e ye jɔn ye? A ye baaraɲuman kɛ wo, a m'a kɛ wo, o t'i ka sira la, o ye a tigi ka koo ye. A do bena baaraɲuman kɛ, bari see be Matigi ye k'o kɛ.